استانا اۋەجايىنىڭ ۇشۋ- قونۋ جولاعى بۇگىن تۇندە جابىلمايدى

استانا. KAZINFORM - استانا اۋەجايىنىڭ باسپا ءسوز قىزمەتى ۇشۋ- قونۋ جولاعى بۇگىن تۇندە جابىلمايتىنىن ءمالىم ەتتى.

«اۋەجاي شتاتتىق رەجيمدە جۇمىس ىستەيدى. بارلىق كەشىكتىرىلگەن رەيستەر كەستەگە ساي ورىندالاتىن بولادى. ءبىزدىڭ باستى ماقساتىمىز - جولاۋشىلارىمىزدىڭ قاۋىپسىزدىگى مەن جايلىلىعىن قامتاماسىز ەتۋ»، - دەپ جازدى اۋەجايدىڭ باسپا ءسوز قىزمەتى.

ايتا كەتەيىك، وسىعان دەيىن ەلوردا اۋەجايىنان بارلىق رەيس ۋاقىتشا توقتاتىلىپ، اۋەجاي ەكى ساعاتقا جابىلعانى حابارلاندى. توتەنشە جاعدايعا قاتىستى قالا اۋەجايىنىڭ باسپا ءسوز قىزمەتى تۇسىنىكتەمە بەردى.

«جەرگىلىكتى ۋاقىت ساعات 16:00 دە Swissair اۋە كومپانياسىنىڭ توكيودان سيۋريحكە 777-300ER (روتانىڭ بورتتىق ءنومىرى HBJNI) ۇشقان SVR161 رەيسى استانا اۋەجايىنا شۇعىل قوندى. ەكيپاج 50 جاستاعى جولاۋشىنىڭ ينسۋلت الۋ مۇمكىندىگىنە بايلانىستى قونۋعا شەشىم قابىلداعان. ساعات 16:00 دە ۇشاق ءساتتى قونعاننان كەيىن، ۇشۋ- قونۋ جولىنداعى بۇرىلىس كەزىندە ەكيپاج قاتەلىگىنەن ۇشاق جولاقتان سىرعىپ كەتتى. وسىعان بايلانىستى ساعات 16:03 تە اپاتتىق- قۇتقارۋ جۇمىستارىن جۇرگىزۋ ءۇشىن ەسكەرتۋ جاريالاندى»، - دەپ جازدى باسپا ءسوز قىزمەتى.

سونداي- اق، كەيىن ەلوردا اۋەجايىنىڭ جۇمىسى قايتا جاندانعانى حازىلدى.