استانا اۋەجايىندا ەرەكشە فوتوكورمە اشىلدى
بۇگىن استانا حالىقارالىق اۋەجايىندا «جىلى جۇرەكپەن» .. . فوتوكورمەسى اشىلدى، دەپ حابارلايدى Kazinform.
فوتوكورمە قازاقستان رەسپۋبليكاسى پرەزيدەنتىنىڭ تەلەراديوكەشەنى جانە «دارا» پرەزيدەنتتىك باستامالار قورىنىڭ قولداۋىمەن جۇزەگە استى.
ءىس- شارانىڭ ماقساتى - قوعامعا ەمپاتيانىڭ ماڭىزىن ۇعىندىرىپ، اينالاداعى بارشا جانعا قۇرمەتپەن قاراۋعا، ءتۇسىنىپ، قورعاپ، قولداۋ كورسەتۋگە شاقىرۋ.
ەرەكشە كۇتىمدەگى بالالار تەك اتا- انانىڭ عانا ەمەس، قوعام مەن مەملەكەتتىڭ دە سۇيىسپەنشىلىگى مەن قامقورلىعىنا لايىق. ولار ءبىلىم، مەديتسينالىق كومەك، الەۋمەتتىك جەڭىلدىكتەر جانە قولجەتىمدى جاردەماقىمەن قامتاماسىز ەتىلگەن.
قازاقستاندىق مەديا تۇلعالار «جىلى جۇرەكپەن.. .» كورمەسىن ۇيىمداستىرۋشىلاردىڭ يگى باستاماسىن ءبىر اۋىزدان قولدادى. وسىلايشا، كرەاتيۆتى يندۋستريا وكىلدەرى ينكليۋزيۆتى قوعامنىڭ ماڭىزىن، ەرەكشە كۇتىمدەگى بالالاردىڭ تەڭدىگىن، قوعامداعى قۇقىعى مەن مۇمكىندىكتەرىنىڭ ماڭىزىن كورسەتتى.
استانانىڭ اۋە قاقپاسىنداعى ەرەكشە فوتوكورمە 25-قازانعا دەيىن جالعاسادى.