استانا اۋەجايىندا كەشىكتىرىلگەن ۇشاقتار ۇشا باستادى

استانا. KAZINFORM - ەلوردا اۋەجايىنداعى جاعداي تۇراقتالىپ كەلەدى. اۋەجايدىڭ ىشكى جانە حالىقارالىق رەيستەر تەرمينالىنداعى جۇمىس 10:48 دە جاندانىپ، جولاۋشىلار تىركەۋدەن وتە باستادى، دەپ حابارلايدى ازاماتتىق اۆياتسيا كوميتەتىنىڭ باسپا ءسوز قىزمەتى.

وسىعان دەيىن توتەنشە جاعداي سالدارىنان استانا اۋەجايىنان ۇشاتىن 18 رەيس (14 رەيس قازاقستان ىشىندە، 4 حالىقارالىق رەيس) كەشىكتىرىلگەن ەدى.

DV702 استانا-شىمكەنت رەيسى 12:23 تە، IQ389 استانا-جەزقازعان رەيسى 12:26 دا، IQ437 استانا-پەتروپاۆل رەيسى 13:38 دە، KC952 استانا-الماتى رەيسى 12:46 دا، ك س7052 استانا-الماتى رەيسى 13:36 دا جانە KC205 استانا-دۋباي رەيسى 13:04 تە ۇشتى.

توتەنشە جاعداي كەزىندە ەلوردا اۋەجايىندا ق ر كولىك مينيسترلىگى ازاماتتىق اۆياتسيا كوميتەتىنىڭ باسشىلىعى، ق ر اۆياتسيالىق اكىمشىلىگى قىزمەتكەرلەرى جانە Terminals Airport Astana Management LLP، اۋەجاي قىزمەتكەرلەرىنىڭ قاتىسۋىمەن وپەراتيۆتى شتاب قۇرىلىپ، جەدەل ارەكەت ەتتى.

ەۆاكۋاتسيالانعان جولاۋشىلارعا سالقىن جانە ىستىق سۋسىن، جەڭىل تاعام ۇسىنىلدى.

اۋەجايداعى قاۋىپسىزدىك شارالارىن قالىپقا كەلتىرۋ جانە كۇشەيتۋ شارالارى ءارى قاراي جالعاستىرىلادى.