استانا اۋەجايىندا ۇشاقتاردىڭ ۇشۋ-قونۋ ۋاقىتىندا سايكەسسىزدىك بولۋى مۇمكىن
استانا. KAZINFORM - كەيبىر تەحنيكالىق ماسەلەلەرگە بايلانىستى استانا اۋەجايىنداعى جانە رەسمي ۆەب-سايتىنداعى ۇشۋ اقپاراتىن كورسەتۋ جۇيەسىندە (FIDS) جاريالانعان مالىمەتتىڭ دالدىگى ۋاقىتشا دۇرىس بولماۋى مۇمكىن.
جوسپارلانعان ۇشۋ جانە كەلۋ ۋاقىتى وزگەرىسسىز قالعانىمەن، ناقتى ۋاقىتتاعى ۇشۋ مارتەبەسى سايكەسسىزدىككە تاپ بولۋى مۇمكىن.
اۋەجاي جولاۋشىلارعا ءوز رەيسى تۋرالى ەڭ سوڭعى اقپاراتتى الۋ ءۇشىن اۆياكومپانيا وكىلدەرىنە حابارلاسۋعا كەڭەس بەرەدى.
اۋەجايدىڭ ارنايى ماماندارى بۇكىل جولاۋشىلاردىڭ قاۋىپسىزدىگى مەن ىڭعايلىلىعىن قامتاماسىز ەتۋ ءۇشىن بۇل ماسەلەنى بەلسەندى تۇردە شەشىپ جاتىر.
«ءبىز ءوز جولاۋشىلاردىڭ وسى جاعدايعا قاتىستى تۇسىنىك تانىتىپ جاتقانىن جوعارى باعالايمىز جانە الاڭداۋدىڭ قاجەتى جوق ەكەنىن قاپەرىڭىزگە سالامىز. كەيبىر قولايسىزدىق ءۇشىن شىن جۇرەكتەن كەشىرىم سۇرايمىز. جاڭارعان اقپارات الۋ ءۇشىن ءبىزدىڭ رەسمي بايلانىس ارنالارىمىز ارقىلى بايلانىستا بولىڭىز» دەيدى اۋەجايدان.
اۋەجاي اكىمشىلىگى ونلاين-تابلوداعى كەيبىر ماسەلەلەردى تەز ارادا شەشۋگە تىرىسادى.
ەسكە ساالا كەتەيىك، بۇگىننەن باستاپ قازاقستاندا ۋاقىت ءبىر ساعات ارتقا جىلجىدى.