استانا اۋەجايىندا اۆتوتۇراق باعاسىن كوتەرۋگە تىيىم سالىندى
استانا. KAZINFORM - استانا قالاسى باسەكەلەستىكتى قورعاۋ جانە دامىتۋ اگەنتتىگى دەپارتامەنتىنىڭ ەسكەرتۋىنەن كەيىن ەلوردا اۋەجايى اقىلى تۇراق ايماقتارىندا باعانى كوتەرۋدەن باس تارتتى.
«استانا قالاسى بويىنشا باسەكەلەستىكتى قورعاۋ جانە دامىتۋ اگەنتتىگى دەپارتامەنتى «نۇرسۇلتان نازاربايەۆ حالىقارالىق اۋەجايى» ا ق- نا باسەكەلەستىكتى قورعاۋ سالاسىنداعى ق ر زاڭناماسىن بۇزۋعا جول بەرمەۋ تۋرالى ەسكەرتۋ جاسادى»، - دەپ حابارلادى ۆەدومستۆو.
بۇعان دەيىن اۋەجايدىڭ رەسمي Instagram پاراقشاسىندا اقىلى تۇراق ايماقتارىندا تاريفتەردىڭ كوتەرىلەتىنى تۋرالى اقپارات جاريالانعان بولاتىن.
اقپارات قۇرالدارىندا دا استانا اۋەجايىندا اۆتوتۇراق قىمباتتايتىنى جاريالانعان ەدى.
باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، ەسكەرتۋدەن كەيىن نۇرسۇلتان نازاربايەۆ حالىقارالىق اۋەجايى اقىلى تۇراق ايماقتارىندا باعانىڭ كوتەرىلۋىنە جول بەرمەۋ شارالارىن قابىلدادى.