استانا اۋەجايىنان زاڭسىز الىپ وتپەك بولعان 7 ەرەكشە زات
استانا. KAZINFORM - جولاۋشىلار اۋەجاي ارقىلى سيرەك كەزدەسەتىن جانۋارلار، كىسەندەر، ءتىپتى ءورت سوندىرگىش قۇرالدى دا الىپ وتپەك بولادى، - دەپ حابارلايدى Tengritravel.kz.
ەلوردا اۋەجايىنىڭ باسپا ءسوز قىزمەتى قىزىقتى، ءبىراق شاعىن ءتىزىم ۇسىندى.
2024-جىلى جولاۋشىلار مىنا زاتتاردى الىپ وتپەك بولعان:
بوتەلكەدەگى كوبرا؛
وتكىر سيۋريكەندەر (لاقتىراتىن قارۋدىڭ ءتۇرى) جانە بۋمەرانگتار؛
گەندەرلىك كەشكە ارنالعان ءورت سوندىرگىش قۇرال؛
اتىس قارۋىنا ۇقسايتىن قولشاتىر؛
دۋبينكالار؛
دالاپقا، تاراققا، بەلدىككە جاسىرىلعان پىشاقتار؛
بەنزوپيلا.
استانا اۋەجايىنىڭ باسپا ءسوز قىزمەتىنىڭ مالىمەتىنشە، بۇل زاتتاردىڭ بارلىعى تاركىلەنگەن. سونداي-اق كاستەتتەر مەن تەلەسكوپيالىق دۋبينكالاردى (بۇل تولىققاندى دۋبينكالارعا اينالاتىن ىقشام جينالمالى ءوزىن-ءوزى قورعاۋ قۇرالدارى) وزىڭىزبەن بىرگە اۋەجاي ارقىلى الىپ جۇرۋگە بولمايدى - ولاردى دا تاركىلەيدى، ال تاسىمالداۋشى جولاۋشى رەيستەن ءتۇسىرىلىپ، ايىپپۇل سالىنۋى مۇمكىن.
باسپا ءسوز قىزمەتىنىڭ مالىمەتىنشە، 2024-جىلدىڭ 2-قاراشاسىندا استانا اۋەجايىنىڭ ىشكى رەيسىندە كوبرا سالىنعان جانە ءتيىستى تەحنيكالىق پاسپورتى مەن سەرتيفيكاتى جوق سۇيىقتىق انىقتالىپ، تاركىلەنگەن.