استانا اۋەجايى مەن ۆوكزالدارى كۇشەيتىلگەن جۇمىس رەجيمىنە كوشتى

استانا. KAZINFORM - شاڭحاي ىنتىماقتاستىق ۇيىمى سامميتىن وتكىزۋ كەزەڭىندە ەلوردا اۋەجايىندا كۇشەيتىلگەن جانە تاۋلىك بويعى جۇمىس رەجيمى قامتاماسىز ەتىلەتىن بولادى

«تۇراقتى رەيستەردىڭ ۇشۋى كەستە بويىنشا جوسپارلانعان. سامميتتى وتكىزۋ كەزەڭىندە جۇمىسقا سالا ماماندارى مەن ديسپەتچەرلىك قۇرام تارتىلدى. جۇزدەن استام قىزمەتكەر رەزەرۆ رەتىندە جۇمىلدىرىلىپ، ەلوردا اكىمدىگىمەن بىرلەسىپ شەت تىلدەرىن بىلەتىن ەرىكتىلەر تارتىلىپ جاتىر. سونداي- اق الماتى جانە قاراعاندى قالالارىندا قوسىمشا اۋەجايلاردىڭ دايىندىعى كوزدەلگەن»، - دەپ جازدى كولىك مينيسترلىگىنەن.

ەلوردالىق تەمىرجول ۆوكزالدارىنىڭ دايىندىعى تۋرالى ايتا كەلە، شاڭحاي ىنتىماقتاستىق ۇيىمىن وتكىزۋ شەڭبەرىندە تەمىرجول بەكەتتەرى شتاتتىق رەجيمدە جۇمىس ىستەيتىنىن اتاپ وتكەن ورىندى.

بۇگىنگى تاڭدا تەمىرجول كولىگى استانا-1 ستانتسياسىنان 23 باعىت بويىنشا تاۋلىگىنە 11 مىڭعا جۋىق جولاۋشىنى، ال «نۇرلى جول» تەمىرجول ۆوكزالى بويىنشا تاۋلىگىنە 8 مىڭ جولاۋشىنى 19 مارشرۋت بويىنشا تاسىمالداۋدا.

ۆوكزالدار كەشەندى قاۋىپسىزدىك جۇيەلەرىمەن جابدىقتالعان.

اۆتور
اسحات رايقۇل