ۇلتتىق جوباعا بۇگىندە 126926 ەلوردا تۇرعىنى قاتىسىپ جاتىر. ولاردىڭ قاتارىندا مەكتەپ وقۋشىلارى، ستۋدەنتتەر، پەداگوگتەر، مەملەكەتتىك قىزمەتشىلەر جانە ءتۇرلى سالا وكىلدەرى بار، دەپ حابارلايدى ەلوردا اكىمدىگىنىڭ رەسمي سايتى.
16-قاراشاداعى مالىمەت بويىنشا، مارافونعا قاتىسۋشىلار وقىعان شىعارمالارى تۋرالى پىكىرلەرىن قالدىرعان. ونىڭ ىشىندە 93768 پىكىر مودەراتسيادان ءساتتى ءوتىپ، وقىرماندارعا ءتيىستى ۇپايلار ەسەپتەلگەن.
مارافونعا ەڭ كوپ قاتىسىپ جاتقان —- ەلوردالىق مەكتەپ وقۋشىلارى.
«وقيتىن مەكتەپ» باعىتى 50566 قاتىسۋشىنى بىرىكتىرىپ، ەڭ اۋقىمدى باعىتقا اينالدى. ولار وقىعان كىتاپتارى تۋرالى 37751 پىكىر قالدىرعان.
جوباعا ستۋدەنت جاستار دا بەلسەندى قاتىسۋدا. «وقيتىن ۋنيۆەرسيتەت» باعىتىنا 21640 ادام تىركەلىپ، 7475 پىكىر جاريالاعان. ال ەلوردالىق كوللەدجدەردەن 20632 قاتىسۋشى قوسىلىپ، 20566 كىتاپ وقىعان.
مارافونعا 10447 پەداگوگ تە قاتىسىپ جاتىر. ولار 17593 پىكىر قالدىرعان. ونىڭ 17045 ءى مودەراتسيادان وتكەن.
ەلوردا اۋداندارىنىڭ تۇرعىندارى اراسىندا دا وقۋعا دەگەن قىزىعۋشىلىق جوعارى.
ايتا كەتەيىك، «وقيتىن ۇلت» ۇلتتىق جوباسى كىتاپ وقۋدى ناسيحاتتاۋعا، وتاندىق جانە الەم ادەبيەتىنە دەگەن قىزىعۋشىلىقتى ارتتىرۋعا، سونداي-اق حالىق اراسىندا وقۋ مادەنيەتىن قالىپتاستىرۋعا باعىتتالعان.
مارافوننىڭ كىتاپ وقۋ كەزەڭى 2027-جىلعى 9-ناۋرىزعا دەيىن جالعاسادى.
ودان كەيىن قاتىسۋشىلار تەستىلەۋ مەن زياتكەرلىك كۆيزدەرگە قاتىسادى.
بارلىق كەزەڭنىڭ قورىتىندىسى بويىنشا رەسپۋبليكالىق دەڭگەيدە جىلدىڭ ۇزدىك 10 وقىرمانى انىقتالادى.
بۇعان دەيىن ۇلتتىق كىتاپحاناعا كەلەتىن جاستار سانى كوبەيگەنىن جازعانبىز.