16- 18-قازان ارالىعىندا تۇركيانىڭ بۋرسا قالاسىندا ەرلەر مەن ايەلدەر اراسىندا قويان-قولتىق ۇرىستان الەم كۋبوگىنىڭ فينالدىق كەزەڭى ءوتتى. بەدەلدى حالىقارالىق تۋرنيردە قازاقستان اتىنان ۇلتتىق قۇراما ساپىنا سپورتشىلار ونەر كورسەتتى.
95 كەلىدەن جوعارى سالماق دارەجەسىندە قولا مەدالدى استانا قالاسى پوليتسيا دەپارتامەنتى باستىعىنىڭ دەنە شىنىقتىرۋ جانە سپورت جونىندەگى كومەكشىسى مۇرات ەسماعامبەتوۆ جەڭىپ الدى. ول جارىسقا ىشكى ىستەر مينيسترلىگىنىڭ «ARLAN» سپورت كلۋبىنىڭ اتىنان قاتىستى.
مۇرات ەسماعامبەتوۆ قازاقستان قۇراماسى ساپىنداعى ىشكى ىستەر مينيسترلىگىنىڭ جالعىز وكىلى بولدى.
الەم كۋبوگىنىڭ فينالىنداعى قولا مەدال - تاباندى دايىندىقتىڭ، قايسار مىنەزدىڭ جانە جوعارى سپورتتىق شەبەرلىكتىڭ ناتيجەسى. ەلوردا پوليتسياسى قىزمەتكەرىنىڭ جەتىستىگى قىزمەت پەن دەنە دايىندىعىنىڭ، سونداي-اق سپورتتا بيىك بەلەستەردى باعىندىرۋعا دەگەن ۇمتىلىستىڭ ءوزارا ۇيلەسەتىنىن كورسەتەدى.
بۇعان دەيىن يبراگيم نۇرماحان ۇلى ازيا ويىندارىندا التىن مەدال جەڭىپ العانىن جازعانبىز.