تۋرنيرگە قازاقستان، قىتاي، وزبەكستان، فيليپپين، مالايزيا جانە باسقا دا ەلدەردىڭ گيمناستشىلارى قاتىستى.
قازاقستان نامىسىن جارىستا توعىز سپورتشى قورعادى. ولاردىڭ تورتەۋى - استانالىق گيمناست.
«الەم اكادەمياسىنىڭ» تاربيەلەنۋشىسى، 8 جاستاعى مەدينا ەسەنبەك جارىستا ءۇش مەدال جەڭىپ الدى. ول شىعىرشىقپەن جاتتىعۋدا التىن، ال قۇرالسىز جاتتىعۋ مەن كوپسايىستا ەكى كۇمىس مەدال يەلەندى.
- مەدينانىڭ ونەر كورسەتۋى ۇلتتىق مادەنيەتىمىزدىڭ اسەم كورىنىسىنە دە اينالدى. جاس گيمناست كىلەمگە قازاقى ويۋ-ورنەكپەن كومكەرىلگەن كوستيۋم كيىپ شىعىپ، كومپوزيتسياسىن قازاق مۋزىكاسىنىڭ سۇيەمەلدەۋىمەن ورىندادى. مەدينا ءۇشىن بۇل تۋرنير تەك سپورتتىق جەتىستىكپەن شەكتەلمەي، قازاقستاندى حالىقارالىق ارەنادا لايىقتى تانىتۋعا بەرىلگەن ۇلكەن مۇمكىندىك بولدى، - دەپ حابارلادى استانا اكىمدىگىنىڭ باسپا ءسوز قىزمەتى.
ەسكە سالايىق، بۇعان دەيىن قازاقستاندىق «كلاسسيكتەر» U20 الەم چەمپيوناتىن ءبىر التىن مەدالمەن اياقتاعانىن حابارلاعانبىز.