AI- Sana كورمەسى اياسىندا Astana IT University ستۋدەنتى ايعانىم تۋلەبايەۆا كورپوراتيۆتىك ۇدەرىستەردە ۇلكەن تىلدىك مودەلدەردى (LLM) پايدالانۋ كەزىندەگى كيبەرقاۋىپسىزدىكتى ارتتىرۋعا باعىتتالعان ExoAI جوباسىن تانىستىردى. بۇل شەشىم قۇپيا اقپاراتتىڭ سىرتقى جاساندى ينتەللەكت سەرۆيستەرىنە بەرىلۋىنە جول بەرمەۋگە جانە كورپوراتيۆتىك دەرەكتەردىڭ تارالىپ كەتۋ قاۋپىن ازايتۋعا مۇمكىندىك بەرەدى.
بۇگىندە جاساندى ينتەللەكت قۇرالدارى شاعىن جانە ورتا بيزنەستە دە، قارجى سەكتورىنداعى ۇيىمداردى قوسا العاندا ءىرى كومپانيالاردا دا كەڭىنەن قولدانىلادى. ولاردىڭ كومەگىمەن قىزمەتكەرلەر كۇندەلىكتى قايتالاناتىن مىندەتتەردى اۆتوماتتاندىرىپ، جۇمىس تيىمدىلىگىن ارتتىرادى. سونىمەن قاتار اشىق ج ي- سەرۆيستەردى پايدالانۋ اقپاراتتىق قاۋىپسىزدىك سالاسىندا جاڭا سىن- قاتەرلەر تۋىنداتادى. اتاپ ايتقاندا، نەيروجەلىلەرمەن جۇمىس ىستەۋ كەزىندە قىزمەتكەرلەر جەكە دەرەكتەردى، بانكتىك دەرەكتەمەلەردى جانە كورپوراتيۆتىك ماڭىزى بار وزگە دە قۇپيا اقپاراتتى بايقاۋسىزدا سىرتقى سەرۆيستەرگە جىبەرۋى مۇمكىن.
ExoAI - Zero Trust («نولدىك سەنىم») قاعيداتى بويىنشا جۇمىس ىستەيتىن، كومپانيانىڭ ىشكى ينفراقۇرىلىمى مەن سىرتقى ۇلكەن تىلدىك مودەلدەر اراسىندا ارالىق بۋىن قىزمەتىن اتقاراتىن پروكسي- سەرۆەر. جۇيە جىبەرىلەتىن دەرەكتەردى تالداپ، قۇپيا اقپاراتتى انىقتايدى جانە ونى قورعالعان توكەندەرمەن نەمەسە شيفرلانعان بەلگىلەرمەن الماستىرادى. وسىلايشا، باستاپقى دەرەكتەر اشىق كۇيىندە جاريا تىلدىك مودەلگە بەرىلمەيدى.
بۇدان بولەك، شەشىم كۇماندى ارەكەتتەر مەن قورعانىس تەتىكتەرىن اينالىپ ءوتۋ ارەكەتتەرىن، سونىڭ ىشىندە jailbreak-شابۋىلدارىن انىقتاۋعا كومەكتەسەتىن حابارلاندىرۋ جۇيەسىن قامتيدى. بۇل كومپانيالارعا ىقتيمال قاۋىپتەرگە دەر كەزىندە ارەكەت ەتىپ، جاساندى ينتەللەكت قۇرالدارىن قاۋىپسىز پايدالانۋ تەتىكتەرىن جەتىلدىرۋگە مۇمكىندىك بەرەدى.
ايعانىم تۋلەبايەۆانىڭ ايتۋىنشا، جوبانىڭ نەگىزگى مىندەتتەرىنىڭ ءبىرى - قورعانىس تەتىكتەرىن قازاقستاندا قولدانىلاتىن كورپوراتيۆتىك دەرەكتەر مەن فورماتتارعا، سونىڭ ىشىندە بيزنەس- سايكەستەندىرۋ دەرەكتەرى مەن بانكتىك دەرەكتەمەلەرگە بەيىمدەۋ. مۇنداي ءتاسىل شەشىمدى وتاندىق بيزنەس جاعدايىندا قولدانۋ مۇمكىندىگىن كەڭەيتۋگە باعىتتالعان.
— بۇگىندە جاساندى ينتەللەكت كۇندەلىكتى جۇمىس ۇدەرىستەرىنىڭ ءبىر بولىگىنە اينالىپ كەلەدى. سوندىقتان ونى قاۋىپسىز پايدالانۋدى قامتاماسىز ەتۋ ماڭىزدى. ExoAI كومپانيالارعا دەرەكتەردىڭ قۇپيالىلىعىن ساقتاي وتىرىپ، ۇلكەن تىلدىك مودەلدەردىڭ مۇمكىندىكتەرىن پايدالانۋعا كومەكتەسەدى. AI- Sana كورمەسىنە قاتىسۋ ارقىلى ءوز جوبامدى تانىستىرۋعا، باسقا تەحنولوگيالىق ازىرلەمەلەرمەن تانىسۋعا، كەرى بايلانىس الۋعا، سونداي-اق شەشىمدى ودان ءارى دامىتۋ ءۇشىن الەۋەتتى ينۆەستورلار مەن سەرىكتەستەر تابۋعا مۇمكىندىك الدىم، - دەدى جوبا اۆتورى.
AI- Sana كورمەسىنە قاتىسۋ جاس ازىرلەۋشىلەرگە وزدەرىنىڭ تەحنولوگيالىق شەشىمدەرىن تانىستىرۋعا، تاجىريبە الماسۋعا جانە بيزنەس وكىلدەرىمەن، ينۆەستيتسيالىق قاۋىمداستىقپەن بايلانىس ورناتۋعا جول اشادى. ExoAI جوباسى كيبەرقاۋىپسىزدىك سالاسىنداعى ءبىلىمدى سيفرلىق ترانسفورماتسيانىڭ وزەكتى مىندەتتەرىن شەشۋگە جانە جاساندى ينتەللەكتىنى جاۋاپكەرشىلىكپەن ەنگىزۋگە قولدانۋدىڭ ناقتى ۇلگىسىن كورسەتەدى.