شىعارماشىلىق باستامانىڭ اۆتورلارىنىڭ ءبىرى - ەلورداداعى س. ءسادۋاقاسوۆ اتىنداعى 78-مەكتەپ-گيمنازيانىڭ كوركەم ەڭبەك ءپانىنىڭ مۇعالىمى، پەداگوگ-مودەراتور، ۇلتتىق ديزاين اكادەمياسىنىڭ اكادەميگى ءلاززات ءابدىلدا قىزى. ول كورمەگە تابيعي ءجۇندى ينەمەن تىعىزداۋ ءادىسى ارقىلى جاساعان كولەمى 7×4 مەترلىك قازاقستان كارتاسىن ۇسىندى.
سونداي-اق ەلىمىزدىڭ ءار وڭىرىندە دايىندالعان 700 دەن استام ءجۇن كارتينا دا GBR (Global Book of Records) حالىقارالىق رەكوردتار جوباسىنا ۇسىنىلدى. حالىقارالىق كوميسسيانىڭ شەشىمىمەن قازاقستان كارتاسى مەن ءجۇن كارتينالار توپتاماسى الەمدىك رەكوردتار كىتابىنا ەنگىزىلدى.
بۇل جەتىستىك ۇلتتىق قولونەردى حالىقارالىق دەڭگەيدە تانىتۋعا جانە ءداستۇرلى ونەرگە دەگەن قىزىعۋشىلىقتى ارتتىرۋعا جول اشادى.