استانا. KAZINFORM - الماتىدان استاناعا باعىت العان Air Astana اۋە كومپانياسىنىڭ ۇشاعى باستاپقى اۋەجايىنا قايتا ورالدى. بۇل تۋرالى كومپانيانىڭ باسپا ءسوز قىزمەتى حابارلادى.
اۋە كومپانياسىنىڭ مالىمەتىنشە، ۇشاقتى الدىمەن ەلورداعا، كەيىن قاراعاندىعا قوندىرۋ ارەكەتى جاسالعان. الايدا ەكى قالاداعى قولايسىز اۋا رايىنا بايلانىستى قونۋ مۇمكىن بولماعان.
وسىدان كەيىن اۋە كەمەسى الماتى اۋەجايىنا ءماجبۇرلى تۇردە كەرى قايتقان. جولاۋشىلاردىڭ ايتۋىنشا، ولار ۇشاق ىشىندە ءۇش ساعاتتان استام ۋاقىت بولعان.
قازىرگى ۋاقىتتا رەيس قايتا ۇشۋعا دايىندالىپ جاتىر.
«استانا مەن قاراعاندىداعى قولايسىز اۋا رايىنا بايلانىستى ۇشاق الماتىعا كەرى قايتتى. قازىر استاناعا قايتا ۇشۋعا دايىندالىپ جاتىر»، - دەلىنگەن كومپانيا حابارلاماسىندا.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан