استانادا كوشەدە اتپەن جۇرگەن ەر ادام اكىمشىلىك جاۋاپتىلىققا تارتىلدى.
35 جاستاعى ەر ادام ەلورداداعى ويىن-ساۋىق ورىندارىنىڭ بىرىنە بەينەروليك ءتۇسىرۋ ماقساتىندا اتپەن اۆتوموبيل جولىمەن جانە جاياۋ جۇرگىنشىلەرگە ارنالعان تروتۋارلارمەن ءجۇرىپ، جاياۋ جۇرگىنشىلەردىڭ قوزعالىسىنا كەدەرگى كەلتىرگەن.
كەيىن «بايتەرەك» مونۋمەنتى ماڭىنا قاراي بەت العان كەزدە، جول قيىلىستارىنىڭ بىرىندە جىلقى تروتۋاردى لاستاپ، جاسىل جەلەكتەرگە زاقىم كەلتىرگەن.
وسىلايشا اباتتاندىرۋ سالاسىنداعى زاڭناما تالاپتارى بۇزىلعان.
اتالعان ەكى قۇقىق بۇزۋشىلىق فاكتىسى بويىنشا ەر ادام اكىمشىلىك جاۋاپتىلىققا تارتىلدى. استانا قالاسىنىڭ پوليتسيا دەپارتامەنتى قالا تۇرعىندارى مەن قوناقتارىن قازاقستان رەسپۋبليكاسى زاڭناماسىنىڭ تالاپتارىن ساقتاۋعا، اينالاسىنداعىلاردىڭ قۇقىقتارىن قۇرمەتتەۋگە جانە جول قوزعالىسىنىڭ باسقا قاتىسۋشىلارى مەن جاياۋ جۇرگىنشىلەرگە قولايسىزدىق نەمەسە قاۋىپ توندىرەتىن ارەكەتتەرگە جول بەرمەۋگە شاقىرادى، - دەپ حابارلادى استانا قالاسىنىڭ پ د باسپا ءسوز قىزمەتى.