استانا. KAZINFORM - استانا پوليتسەيلەرى ءىرى كولەمدەگى ۇرلىق قىلمىسىن اشتى. 31 جاستاعى تۇرعىن كەزىندە ءوزى كۇزەتشى بولىپ جۇمىس ىستەگەن نىساننان ميلليونداعان تەڭگەنىڭ ەلەكتر كابەلىن ۇرلادى دەگەن كۇدىككە ءىلىندى.
تەرگەۋ مالىمەتىنشە، ەر ادام نىساننىڭ اۋماعىنا ەركىن كىرىپ، ەلەكتر كابەلىن جاسىرىن تۇردە الىپ كەتكەن. ۇرلانعان مۇلىكتىڭ جالپى قۇنى - 21 ميلليون تەڭگە.
جەدەل- ىزدەستىرۋ ءىس- شارالارى بارىسىندا كۇدىكتىنىڭ جەكە باسى انىقتالىپ، ول قولعا ءتۇستى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى.
- ول نىساننىڭ قۇرىلىمىن، كۇزەت جۇيەسىن جانە ماتەريالدىق قۇندىلىقتاردىڭ ورنالاسۋىن جاقسى بىلگەن. وسىنى پايدالانىپ، قىلمىسقا بارعان، - دەلىنگەن پوليتسيانىڭ باسپا ءسوز قىزمەتى تاراتقان حابارلامادا.
اتالعان دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан