- بۇل ستانسيا اۋىسىپ مىنۋگە ارنالعان. مىسالى، ەسكى ۆوكزالدان قوسشىعا بارا جاتقان جولاۋشى وسى ستانسيادا باسقا پويىزعا اۋىسادى، - دەدى اسىلبەك دۇيسەبايەۆ.
ونىڭ ايتۋىنشا، LRT جەلىلەرى اراسىنداعى اۋىسۋ ستانسيانىڭ ءبىرىنشى جانە ەكىنشى دەڭگەيلەرىندە جۇزەگە اسىرىلادى.
- بارلىق باعىتتى ءبىر جەلىگە بىرىكتىرۋگە بولمايدى، ويتكەنى ولار ءبىر-بىرىنە كەدەرگى كەلتىرەدى. قازىر بىزدە اۋەجايدان جاڭا ۆوكزالعا دەيىن ءبىر عانا باعىت بار. ال جەلىلەر قيىلىسقان كەزدە، شەتەلدەگىدەي بىرنەشە تارماق پايدا بولىپ، ولاردىڭ ءوز نومىرلەرى بولادى، - دەدى ول.
ەسكە سالساق، LRT- نىڭ ەكىنشى كەزەڭىن قوسشى باعىتىنا سالۋ جوسپارلانىپ وتىر. قارجىلاندىرۋ ۋاقىتىلى بولىنسە، بۇل جەلىنى 2027 -جىلى ىسكە قوسۋ كوزدەلگەن.
سونىمەن قاتار استانادا LRT- نىڭ جاڭا باعىتىن قالانىڭ وڭ جاعالاۋىنا دەيىن، استانا-1 تەمىرجول ۆوكزالىنا دەيىن جۇرگىزۋ جوسپارلانىپ وتىر. ونىڭ ۇزىندىعى ءبىرىنشى كەزەڭنەن دە ۇزىن بولادى، 26 شاقىرىم. بۇل باعىتتا 22 قۇرام قاتىنايدى.
جاڭا جەلىدە بارلىعى 20 ستانسيا بولادى. ىسكە قوسۋ مەرزىمى قارجىلاندىرۋعا بايلانىستى بولماق. دەگەنمەن مەردىگەرلەر قۇرىلىستى ءۇش جىل ىشىندە اياقتاۋدى جوسپارلاپ وتىر.
بۇعان دەيىن LRT- نىڭ ءبىرىنشى كەزەڭى جولاۋشىلار ءۇشىن 16- 17 -مامىردا اشىلاتىنى حابارلانعان ەدى. كولىك كۇن سايىن ساعات 06:00- دەن 23:00- گە دەيىن جۇمىس ىستەيدى.
وپەراتوردىڭ باعالاۋىنشا، LRT ىسكە قوسىلعان العاشقى كەزەڭدە تاۋلىگىنە 25 مىڭنان 45 مىڭعا دەيىن جولاۋشى تاسىمالدانۋى مۇمكىن.