ول قازاقشا جاقسى تۇسىنگەنىمەن، سويلەۋگە قىسىلاتىن جانداردىڭ باسىن قوسىپ، اپتا سايىن تاڭعى اس ۇيىمداستىرۋدى ءجون كورىپتى. تاڭعى شاي ۇستىندە قاتىسۋشىلار قازاقشا سوزدەردىڭ دىبىستالۋى مەن كەي سوزدەردىڭ تۇرمىستا دۇرىس قولدانۋدى ۇيرەنەدى. «ءداستۇرلى ءتىل ۇيرەتۋ كۋرستارىنا قاراعاندا مۇنداي فورمات قاتىسۋشىلاردىڭ قازاقشا ەمىن-ەركىن سويلەپ، جاتتىعۋىنا مۇمكىندىك بەرەدى»، - دەيدى ناتاليا دەمەنتيەۆا.
قازاقشا سويلەۋ كلۋبىنىڭ باسشىسى الدىمەن وسىنداي 10 كەزدەسۋ وتكىزۋدى جوسپارلاپ وتىر. پيلوتتىق جوبا وڭ ناتيجە كورسەتسە، ونى ءارى قاراي دامىتپاق نيەتتە.
ناتاليا دەمەنتيەۆا، قازاقستان حالىق كەڭەسىنىڭ مۇشەسى:
- ەركىن فورماتتا، بىلاي قاراعاندا كوفە ۇستىندە، شاي ۇستىندە ەركىن سويلەۋ ارقىلى ولاردىڭ قازاق تىلىندەگى داعدىلارىن دامىتۋ. ويتكەنى كەيدە قورقىنىشتان، كەيدە ۇيالعاننان، كەيدە مۇمكىن ورتا نە بولماسا قاجەتتىلىك بولماعاننان ەشقانداي ءبىر سويلەسۋ، ەشقانداي ءبىر سويلەۋ مانەرى شىقپاي جاتىر. وسىنداي كەرەمەت ءبىر ءادىس ارقىلى مەن ولاردىڭ جالپى قازاق تىلىنە دەگەن تالپىنىسىن نىعايتىپ وتىرمىن.
ولەگ پولۋموردۆينوۆ، قازاقستان نوتاريالدىق پالاتاسىنىڭ ءتوراعاسى:
- مەنىڭشە، بۇل - تاماشا باستاما. قالاي بولعاندا دا، تىلدىك قورىمىزدى ۇنەمى بايىتىپ وتىرۋىمىز كەرەك. ارينە، وسىنداي ەكى-ءۇش كەزدەسۋدەن كەيىن بىردەن قازاقشا ەركىن سويلەپ كەتۋىمىز ەكىتالاي. دەگەنمەن كۇندەلىكتى تۇرمىستا قازاق ءتىلىن كەڭىنەن قولدانۋ ءۇشىن مۇنداي پراكتيكالىق كەزدەسۋلەردىڭ ماڭىزى وتە زور.
24.kz