مەرەكە قارساڭىندا ۇيىمداستىرىلعان جارىسقا 12 كوماندا قاتىسىپ، ءوزارا مىقتىلارىن انىقتادى. توعىز جىلدان بەرى ءداستۇرلى تۇردە وتكىزىلىپ كەلە جاتقان شارا ەلىمىزدىڭ بۇقارالىق سپورتىن دامىتۋ مەن جاستار اراسىندا سالاۋاتتى ءومىر سالتىن ناسيحاتتاۋعا باعىتتالعان.
«تۋرنيردىڭ اتى ايتىپ تۇرعانداي، باستى ماقساتىمىزدى ەلگە ورالعان قانداستار اراسىندا اۋىز بىرشىلىكتى ءناسيحاتتاپ، جاستاردى بىرلىككە شاقىرۋ. جازدىق جانە قىستىق ليگا ويىندارىن وتكىزىپ تۇرامىز. سپورتقا جاقىن، فۋتبولدى جاقسى كورەتىن قانداستار اراسىندا تۇراقتى ورتا قالىپتاسى. قازىر دەڭگەيى جوعارلاپ، جىلىنا ەكى رەت ءوتىپ تۇراتىن تۇراقتى سپورتتىق قيمىلعا اينالدى»،-دەيدى جارىستى ۇيىمداستىرۋشى زەردەلى وقۋ ورتالىعى ونلايىن ءبولىمىنىڭ ديرەكتورى كەنجەحان نىعىمەت ۇلى.
جارس ناتيجەسى بويىنشا باس جۇلدە «الاش» كومانداسىنا بۇيىردى. ەكىنشى ورىندى «دوستار» كومانداسى قانجىعالاسا، ۇزدىك ۇشتىكتى «تۇران» كومانداسىنىڭ ڧۋتبولشىلارى تۇيىندەدى.
ريزابەك نۇسىپبەك ۇلى