ۆيدەو Instagram جەلىسىندە جاريالاندى. وندا كيىم ىلەتىن ورىننىڭ الدىندا كوپ وقۋشىنىڭ ءبىر مەزەتتە جينالعانىن كورۋگە بولادى. ۆيدەو اۆتورلارىنىڭ ايتۋىنشا، مۇنداي جاعداي ۇنەمى قايتالانادى. سونداي-اق وقۋشىلاردىڭ ءبىرى كوپشىلىكتىڭ اراسىندا قىسىلىپ، قۇلاپ، ەسىنەن تانىپ قالعانى ايتىلعان.
استانالىق ءبىلىم باسقارماسى مالىمەتىنشە، جاعداي ەكىنشى اۋىسىمداعى ساباق كەستەسىنە بايلانىستى بولعان. ءبىر ۋاقىتتا جەتى سىنىپتىڭ ساباعى اياقتالىپ، وقۋشىلار سىرت كيىمدەرىن الۋعا توپتاسقان.
- بەينەباقىلاۋ كامەرالارىنداعى جازبالار تەكسەرىلىپ، وقۋشىنىڭ قۇلاپ، ەسىنەن تانىپ قالعانى تۋرالى اقپارات راستالمادى. مەكتەپ ديرەكتورى قىزمەتىنەن بوساتىلدى، - دەپ حابارلادى ۆەدومستۆو.
وقيعادان كەيىن مەكتەپتە كيىم ىلەتىن جەردە قىزمەتكەرلەردىڭ باقىلاۋى مەن كەزەكشىلىگى كۇشەيتىلدى. سونىمەن قاتار وقۋشىلاردىڭ قاۋىپسىز قوزعالىسىن قامتاماسىز ەتۋ ءۇشىن قوسىمشا شارالار قابىلدانعان.