استانادا ءۇش ەر ادام قىزداردىڭ اككاۋنتىمەن جىگىتتەردى كەزدەسۋگە شاقىرىپ، اقشا بوپسالاعان

ودان كەيىن ولاردى قالادان تىس جەرگە كۇشتەپ الىپ كەتىپ، ۇرىپ-سوعىپ، ماسقارالايتىن بەينەجازبالاردى تاراتامىز دەپ قورقىتقان.

قاسكويلەر بوپسالاۋ ارقىلى ءۇش جابىرلەنۋشىدەن جالپى سوماسى 2,2 ميلليون تەڭگەنى يەمدەنگەن.

ءبىرىن ميكروقارجىلىق نەسيە راسىمدەۋگە ماجبۇرلەگەن، ال ەكىنشىسىنىڭ اۆتوكولىگىن يەمدەنىپ العان.

سوتتا مەملەكەتتىك ايىپتاۋشى سوتتالۋشىلاردىڭ كىناسىن تولىق دالەلدەدى.

سوت ۇكىمىمەن ءۇش سوتتالۋشى ادام ۇرلاۋ جانە بوپسالاۋ قىلمىستارى ءۇشىن 7 جىلدان 8 جىلعا دەيىنگى مەرزىمگە باس بوستاندىعىنان ايىرىلدى.

جابىرلەنۋشىلەردىڭ كەلتىرىلگەن زالالدى وتەۋ تۋرالى ازاماتتىق تالاپ-ارىزدارى قاناعاتتاندىرىلدى.

سوت ۇكىمى زاڭدى كۇشىنە ەندى.

ەلوردا پروكۋراتۋراسى ازاماتتاردى الەۋمەتتىك جەلىلەر مەن مەسسەندجەرلەر ارقىلى تانىسۋ كەزىندە ساقتىق تانىتۋعا شاقىردى. سونداي-اق ادام ۇرلاۋ جانە اۋىرلاتاتىن ءمان-جايلاردا جاسالعان بوپسالاۋ قىلمىستارى ءۇشىن مۇلىكتى تاركىلەۋمەن بىرگە 12 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپتىلىق كوزدەلگەنىن ەسكەرتتى.