استانا. KAZINFORM - استانا تۇرعىنى 2 گيس قوسىمشاسى ارقىلى بالالارىنا بالاباقشادان ورىن ىزدەگەن اتا-انالاردى الداپ، توعىز ادامنان 590 مىڭ تەڭگە العان. سوت ۇكىمىمەن وعان 4 جىلعا باس بوستاندىعىنان ايىرۋ جازاسى تاعايىندالدى، دەپ حابارلايدى قالالىق پروكۋراتۋرانىڭ باسپا ءسوز قىزمەتى.
تەرگەۋ دەرەكتەرىنە سايكەس، ول سەگىز اي بويى 2 گيس قوسىمشاسى ارقىلى بالاباقشاعا بالاسىن ورنالاستىرعىسى كەلگەن اتا-انالاردى ىزدەگەن. ولارمەن بايلانىسقا شىعىپ، ءوز قىزمەتتەرىن ۇسىنىپ، تانىستارى ارقىلى مەكتەپكە دەيىنگى مەكەمەدەن ورىن الىپ بەرۋگە ۋادە ەتكەن.
ونىڭ ۋادەلەرىنە سەنگەن توعىز تۇرعىن وعان جالپى سوماسى 590 مىڭ تەڭگە اۋدارعان.
سوت جابىرلەنۋشىلەردىڭ ازاماتتىق تالاپتارىن قاناعاتتاندىردى.
قالا پروكۋراتۋراسى ازاماتتاردى ساق بولۋعا جانە بالاباقشالاردان ورىن الۋ ماسەلەلەرى بويىنشا تەك رەسمي پورتالدار مەن ۋاكىلەتتى مەملەكەتتىك ورگاندارعا جۇگىنۋگە شاقىرادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан