جارمەڭكەگە اقمولا، اباي، قاراعاندى، پاۆلودار جانە قازاقستاننىڭ باسقا دا وبلىستارىنان كەلگەن فەرمەرلىك شارۋاشىلىقتار قاتىسادى. ەتتىڭ ءبىر كەلىسى 3300 تەڭگەدەن باستالادى.
جارمەڭكە جىل سوڭىنا دەيىن ءار دەمالىس كۇندەرى ەلوردانىڭ ءۇش ساۋدا الاڭىندا وتەدى:
• «Keruen Joly» ساۋدا ورتالىعى - الاش تاسجولى، 35ب؛
• «ەت الەمى» ساۋدا ورتالىعى - الاش تاسجولى، 31/1؛
• «Jurt» ساۋدا ورتالىعى - بەيبارىس سۇلتان كوشەسى، 3.
14 جانە 15-قاراشا كۇندەرى جارمەڭكە ساعات 09:00 دەن 19:00 گە دەيىن جۇمىس ىستەيدى.
جارمەڭكە وتەتىن ورىندارعا قوعامدىق كولىكپەن جەتۋگە بولادى:
• «Keruen Joly» جانە «ەت الەمى» ساۋدا ورتالىقتارىنا: 7، 11، 39، 41، 45، 53، 59، 76، 81، 82، 120، 120ا، 307 جانە 317؛
• «Jurt» ساۋدا ورتالىعىنا: 2، 7، 13، 32، 42، 49، 50، 67 جانە 73.
ايتا كەتەيىك، جارمەڭكەنىڭ العاشقى ەكى كۇنىندە، ياعني 7-8-قاراشادا شامامەن 150 توننا ەت ءونىمى ساتىلدى. جوبا اياسىندا بارلىعى 1000 توننادان استام ەت ءونىمىن وتكىزۋ جوسپارلانىپ وتىر.
جارمەڭكە وتاندىق اۋىل شارۋاشىلىعى وندىرۋشىلەرىن قولداۋعا، ءونىمدى دەلدالسىز ساتۋ جولدارىن دامىتۋعا جانە ەلوردا تۇرعىندارىن قولجەتىمدى باعادا ساپالى ازىق-تۇلىكپەن قامتاماسىز ەتۋگە باعىتتالعان.
وتكەن اپتادا جارمەڭكەگە اقمولا، اباي، قاراعاندى، پاۆلودار جانە ەلىمىزدىڭ باسقا دا وبلىستارىنان كەلگەن اۋىل شارۋاشىلىعى تاۋارىن وندىرۋشىلەر قاتىستى.