استانا. KAZINFORM - استانادا 23-ماۋسىم كۇنى اۋا تەمپەراتۋراسى 36,8 + گرادۋسقا دەيىن كوتەرىلىپ، 85 جىلدىق رەكورد جاڭارتىلدى. بۇعان دەيىنگى ەڭ جوعارى كورسەتكىش 1941-جىلى تىركەلگەن 36,4+ گرادۋس بولعان ەدى. بۇل تۋرالى «قازگيدرومەت» ر م ق ءمالىم ەتتى.
- 2026-جىلعى 23-ماۋسىمدا استانادا وسى كۇن ءۇشىن جاڭا تەمپەراتۋرالىق رەكورد ورناتىلدى. اۋانىڭ ەڭ جوعارى تەمپەراتۋراسى 36,8 گرادۋسقا جەتىپ، الدىڭعى رەكوردتان 0,4 گرادۋسقا جوعارى بولدى. بۇعان دەيىن 23 ماۋسىمداعى ەڭ جوعارى كورسەتكىش 36,4 گرادۋس بولىپ، 1941-جىلى تىركەلگەن ەدى، - دەلىنگەن حابارلامادا.
ايتا كەتەيىك، بۇعان دەيىن سينوپتيكتەر الداعى ءۇش كۇنگە ارنالعان اۋا رايى بولجامىن جاريالادى. رەسپۋبليكا اۋماعىنداعى اۋا رايىن سولتۇستىك-باتىس تسيكلونى جانە ونىمەن بايلانىستى اتموسفەرالىق فرونتالدى بولىكتەر ايقىندايتىن بولادى. وسىعان بايلانىستى جاڭبىر جاۋىپ، نايزاعاي وينايدى، بۇرشاق ءتۇسۋى، جەلدىڭ ەكپىندى كۇشەيۋى جانە شاڭدى داۋىلدار كۇتىلەدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.