جارمەڭكەگە اقمولا وبلىسىنىڭ 20 اۋدانىنان تاۋار وندىرۋشىلەر قاتىسىپ، جالپى كولەمى 497,21 توننا بولاتىن وزدەرى وندىرگەن اۋىل شارۋاشىلىعى جانە ازىق-تۇلىك ونىمدەرىن ۇسىنادى. ونىڭ ىشىندە:
* ەت ونىمدەرى - 154 توننا؛
* ءسۇت ونىمدەرى - 31,75 توننا؛
* كوكونىس ونىمدەرى - 227 توننا؛
* شۇجىق ونىمدەرى مەن ەتتەن جاسالعان جارتىلاي فابريكاتتار - 23 توننا؛
* باسقا دا باكالەيا تاۋارلارى - 62 توننا؛
* تاۋىق جۇمىرتقاسى - 150 مىڭ دانا.
جارمەڭكەنىڭ ماقساتى - ەلوردا تۇرعىندارىن ارزان باعادا ساپالى اۋىل شارۋاشىلىعى جانە ازىق-تۇلىك ونىمدەرىمەن قامتاماسىز ەتۋ، وتاندىق وندىرۋشىلەردى قولداۋ، سونداي-اق ءونىمدى وندىرۋشىدەن تۇتىنۋشىعا تىكەلەي جەتكىزۋ جۇيەسىن دامىتۋ.
31-قازان كۇنگى جارمەڭكە ەلوردادا بيىل وتەتىن سوڭعى اۋىل شارۋاشىلىعى جارمەڭكەسى بولماق.
ءىس-شارا «قازانات» يپپودرومىندا، قارقارالى تاسجولى، 1 مەكەنجايىندا وتەدى.
بۇعان دەيىن استانادا قاراعاندى جانە قوستاناي وبلىستارىنىڭ شارۋالارى قاتىسقان اۋىل شارۋاشىلىعى جارمەڭكەسى وتكەن بولاتىن.