ءىس-شارا ماحامبەت وتەمىس ۇلى اتىنداعى وقۋشىلار سارايىنىڭ الدىنداعى الاڭدا ءوتتى. اكسيا بارىسىندا قالامىزداعى جەكەمەنشىك قوسىمشا ءبىلىم بەرۋ ۇيىمدارىنىڭ 150-گە تارتا جاس سۋرەتشىسى ءبىر مەزەتتە ابايدىڭ ءومىرى، شىعارماشىلىعى، تابيعات ليريكاسى، قارا سوزدەرى مەن رۋحاني مۇراسىنان شابىت الىپ، قيالدارىن شىڭدادى. بالالار ءوز تۋىندىلارى ارقىلى اباي الەمىن شىعارماشىلىق تۇرعىدان بەينەلەپ، ونىڭ ۇلت رۋحانياتىنداعى ورنى مەن تاعىلىمىن سۋرەت ونەرى ارقىلى جەتكىزە ءبىلدى.
اكسيا قورىتىندىسى بويىنشا «اباي الەمى بالالار كوزىمەن» كوركەمسۋرەت اكسياسىنا قاتىسۋشىلاردىڭ ۇزدىك تۋىندىلارى كوپشىلىك نازارىنا ۇسىنىلادى. ءىس-شارا جاس سۋرەتشىلەردىڭ شىعارماشىلىق الەۋەتىن تانىتىپ قانا قويماي، ۇلى اقىن اباي قۇنانباي ۇلىنىڭ ادەبي جانە رۋحاني مۇراسىن بەينەلەۋ ونەرى ارقىلى ناسيحاتتاۋعا مۇمكىندىك بەرەدى.
كوركەمسۋرەت اكسياسى بالالاردىڭ شىعارماشىلىق الەۋەتىن اشۋعا، كوركەمدىك تالعامىن قالىپتاستىرۋعا، ۇلتتىق قۇندىلىقتارعا دەگەن قۇرمەتىن نىعايتۋعا، «ادال ازامات» ءبىرتۇتاس تاربيە باعدارلاماسىنىڭ قۇندىلىقتارىن دارىپتەۋگە جانە جاس دارىنداردى قولداۋعا باعىتتالعان ماڭىزدى مادەني-ءبىلىم بەرۋ باستامالارىنىڭ ءبىرى بولىپ سانالادى.
ايتا كەتەيىك، ءىس-شارا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتىنىڭ قولداۋىمەن ءوتتى.
ايتا كەتەيىك، «ابايدىڭ قارا سوزدەرى» يۋنەسكو- نىڭ «الەم جادى» تىزىلىمىنە ەنۋى مۇمكىن.