ول ءوزى سان سوقتىرعان زارداپ شەگۋشىلەرمەن كەلىسىم-شارتتار جاساسىپ، الدىن الا تولەمدى قولما-قول نە بانكتىك ونلاين-اۋدارىمدار ارقىلى الىپ وتىرعان. كەيىن ولارمەن بايلانىستى ءۇزىپ، جۇمىستى ورىنداماعان.
اتالعان تاسىلمەن 15 ازاماتتى الداپ، سوتتالعان جالپى 21 ميلليون تەڭگەدەن استام قاراجاتىن يەمدەنگەن. مەملەكەتتىك ايىپتاۋشىمەن سوتتالعاننىڭ كىناسىن تولىق دالەلدەنگەن. سوت ۇكىمىمەن وعان 4 جىل 6 اي باس بوستاندىعىنان ايىرۋ جازاسى تاعايىندالعان. جابىرلەنۋشىلەردىڭ كەلتىرىلگەن ماتەريالدىق زياندى ءوندىرىپ الۋ تۋرالى ازاماتتىق تالاپتارى قاناعاتتاندىرىلدى. سوت ۇكىمى زاڭدى كۇشىنە ەنگەن جوق.
استانا قالاسىنىڭ پروكۋراتۋراسى الەۋمەتتىك جەلىلەر ارقىلى تاۋارلار مەن قىزمەتتەرگە تاپسىرىس بەرۋ كەزىندە ازاماتتاردى ساق بولۋعا شاقىرادى. الدىن الا تولەمدى ەنگىزبەس بۇرىن ورىنداۋشى تۋرالى اقپاراتتى تەكسەرۋ، پىكىرلەردى زەرتتەۋ، ناقتى بايلانىس دەرەكتەرىنىڭ بار ەكەنىنە كوز جەتكىزۋ جانە ساتۋشىنىڭ نەمەسە ورىنداۋشىنىڭ ادالدىعى راستالماي ەلەۋلى سومالاردى اۋدارماۋ ۇسىنىلادى.
ەسكە سالا كەتەيىك، استانادا كوپقاباتتى تۇرعىن ءۇي كەشەنىن سالامىز دەپ 292 ازاماتتان اقشا جيناعان توپقا قاتىسى بار كۇدىكتى شىمكەنتتە قولعا تۇسكەن بولاتىن.