قالا كوشەلەرىنە مەملەكەتتىك تۋلار مەن تاقىرىپتىق باننەرلەر ءىلىنىپ، عيماراتتاردىڭ قاسبەتتەرى مەن LED ەكرانداردا مەرەكەلىك بەينەلەر كورسەتىلە باستادى، دەپ حابارلادى استانا قالاسىنىڭ اكىمدىگى.
مەرەكەلىك بەزەندىرۋ جۇمىستارى قالانىڭ بىرنەشە اۋماعىن قامتىدى. تاۋەلسىزدىكتىڭ 35 جىلدىعىنا ارنالعان تاقىرىپتىق بەينەروليكتەر قالالىق 3D LED ەكراندا، شولۋ دوڭگەلەگىندە، «قازاقستان تەمىر جولى» ۇ ك» ا ق عيماراتىنىڭ قاسبەتىندە جانە باسقا دا نىسانداردا كورسەتىلىپ جاتىر.
ەلوردانىڭ ساۋدا ورتالىقتارى دا مەرەكەلىك دايىندىققا اتسالىسۋدا. ولاردىڭ ىشكى LED ەكراندارىنان قازاقستاننىڭ تاۋەلسىزدىگىنە ارنالعان بەينەروليكتەر كورسەتىلۋدە.
- استانادا قازاقستان رەسپۋبليكاسى تاۋەلسىزدىگىنىڭ 35 جىلدىعىنا وراي مەرەكەلىك بەزەندىرۋ جۇمىستارى جۇرگىزىلىپ جاتىر. ايتۋلى داتا قارساڭىندا ەلوردا كوشەلەرىنە مەملەكەتتىك تۋلار مەن تاقىرىپتىق باننەرلەر ءىلىنىپ، عيماراتتاردىڭ قاسبەتتەرى مەن LED ەكرانداردا مەرەكەلىك بەينەلەر كورسەتىلە باستادى،-دەلىنگەن اكىمدىك اقپاراتىندا.
ايتا كەتەيىك، قازاقستان رەسپۋبليكاسى 2026-جىلعى 16-جەلتوقساندا تاۋەلسىزدىگىنىڭ 35 جىلدىعىن اتاپ وتەدى.
بۇعان دەيىن تاۋەلسىزدىكتىڭ 35 جىلدىعىنا وراي قازاقستاننىڭ وزگە وڭىرلەرىندە دە مەرەكەلىك بەزەندىرۋ جۇمىستارى باستالعانى حابارلانعان ەدى. اتاپ ايتقاندا، قىزىلوردا، جەتىسۋ، قاراعاندى، شىعىس قازاقستان جانە اقمولا وبلىستارىندا قوعامدىق ورىندار مەن عيماراتتارعا مەرەكەلىك بەينەلەر ورنالاستىرىلىپ جاتىر.