«جولاۋشىلار تاسىمالى» ا ق № 153/154 «نۇرلى جول — سەمەي» باعىتى بويىنشا قاتىنايتىن جاڭا Stadler پويىزدارىندا ايەلدەر ۆاگونى قىزمەتى ساقتالعانىن حابارلادى. جاڭا پويىزدىڭ ەلوردادان سەمەي قالاسىنا العاشقى ساپارى 2026 -جىلعى 13-قاراشاعا جوسپارلانعان.
ايەلدەرگە ارنالعان ۆاگون جولاۋشىلاردىڭ ساپار كەزىندەگى جايلىلىعى ارتتىرۋعا باعىتتالعان. بۇل ۆاگوندارعا بيلەتتەر تەك ايەلدەرگە ساتىلادى جانە جولاۋشىلارعا تەك ايەل جولسەرىكتەر قىزمەت كورسەتەدى.
سونىمەن قاتار، ايەلدەر ۆاگونىندا جەتى جاسقا دەيىنگى ۇل بالالاردىڭ جۇرۋىنە رۇقسات ەتىلەدى. ايەلدەر ۆاگونىنداعى بيلەت باعاسى وسى ساناتتاعى باسقا ۆاگونداردىڭ بيلەت قۇنىمەن بىردەي.
بيلەتتەردى bilet.railways.kz رەسمي سايتىنان نەمەسە تەمىرجول ۆوكزالدارىنىڭ كاسسالارىنان ساتىپ الۋعا بولادى. ونلاين بيلەت ساتىپ الۋ كەزىندە ايەلدەر ۆاگونى «ج ن» بەلگىسىمەن كورسەتىلەدى.
«جولاۋشىلار تاسىمالى» ا ق جولاۋشىلارعا كورسەتىلەتىن قىزمەت ساپاسىن ارتتىرۋ، سۇرانىسقا يە سەرۆيستەردى دامىتۋ جانە تەمىرجول كولىگىندە قاۋىپسىز ءارى جايلى ساپار جاعدايلارىن جاساۋ باعىتىنداعى جۇمىسىن جالعاستىرادى. قوسىمشا اقپاراتتى 1433 تەگىن بايلانىس ءنومىرى ارقىلى الۋعا بولادى.
ايتا كەتەيىك، جاڭا پويىزدارعا بيلەت كەشەدەن باستاپ ساتىلىپ جاتىر.