ماتچ 16-قازاننان 17-قازانعا قاراعان ءتۇنى «تەرف مۋر» ستاديونىندا وتەدى. قازاقستان ۋاقىتىمەن تۇنگى ساعات 00:00- دە باستالادى. بۇل ويىندا ساتپايەۆتىڭ «كلارەتتەر» ساپىندا الاڭعا قايتا شىعۋى مۇمكىن.
الدىڭعى تۋردا قازاقستاندىق شابۋىلشى «چارلتون اتلەتيككە» قارسى ءوز الاڭىندا وتكەن ماتچقا قاتىساتىن ويىنشىلار تىزىمىنە ەنبەدى. كەزدەسۋ 2:2 ەسەبىمەن اياقتالدى. وعان دەيىن «بەرنلي» «ۋوتفوردتى» 4:0 ەسەبىمەن ويسىراتا جەڭگەن. سول ماتچتا داستان ساتپايەۆ تا الاڭعا شىقتى.
قازىر «بەرنلي» تۋرنير كەستەسىندەگى تومەنگى ورىنداردان جوعارى كوتەرىلىپ، چەمپيونشيپتە 8 ۇپايمەن 21-ورىندا تۇر.
ايتا كەتەيىك، تامىز ايىنىڭ سوڭىندا داستان ساتپايەۆ «بەرنلي» ساپىنداعى العاشقى تولىق ماتچىن وتكىزگەن بولاتىن.