استانا. KAZINFORM - اسكەري قىزمەتشىلەردىڭ ءومىرى مەن دەنساۋلىعىن قامتاماسىز ەتەتىن شارالار قابىلدانادى. بۇل تۋرالى ۇكىمەت وتىرىسىندا مەملەكەت باسشىسىنىڭ جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارىنىڭ جوباسىن تانىستىرعان پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ايتتى.
«قۇقىق قورعاۋ جۇيەسىندە «قۇقىق بۇزۋشىلىقتىڭ پروفيلاكتيكاسى تۋرالى» زاڭ جوباسىن ازىرلەۋ جوسپارلانعان. جول قاۋىپسىزدىگى جول-كولىك ينفراقۇرىلىمىن جاقسارتۋ، زياتكەرلىك جۇيەلەردى ەنگىزۋ جانە اۆتوموبيلدەردىڭ تەحنيكالىق جاي-كۇيىن تيىسىنشە باقىلاۋ جولىمەن كۇشەيتىلەدى. قورعانىس سالاسىندا قارۋلى كۇشتەردە زاڭدىلىقتى، قۇقىقتىق جانە اسكەري ءتارتىپتى ساقتاۋدى قامتاماسىز ەتۋ جونىندەگى ءىس- شارا جوسپارلانعان، بۇل اسكەري قىزمەتشىلەردىڭ ءومىرى مەن دەنساۋلىعىنىڭ قاۋىپسىزدىگىن باسىم تۇردە قامتاماسىز ەتۋگە ءتيىس»، - دەدى نۇرلان بايبازاروۆ.
ونىڭ اتاپ وتۋىنشە، مەملەكەتتىك ورگاندار، وڭىرلەر جالپىۇلتتىق جوسپاردىڭ ءار باعىتىنىڭ ۋاقتىلى جانە ساپالى ورىندالۋىن قامتاماسىز ەتەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан