اسكەري ينستيتۋتتا العاش رەت اسكەري جۋرناليستيكا ماماندىعى وقىتىلماق

استانا. KAZINFORM - بيىل العاش رەت قازاقستان رەسپۋبليكاسى قورعانىس مينيسترلىگىنىڭ راديوەلەكترونيكا جانە بايلانىس اسكەري- ينجەنەرلىك ينستيتۋتى جاڭا ماماندىققا قۇجات قابىلداۋدى جۇرگىزىپ جاتىر. بۇل تۋرالى قورعانىس مينيسترلىگىنىڭ باسپا ءسوز قىزمەتى ءمالىم ەتتى.

«نازار اۋدارىڭىز! 2024 -جىلى العاش رەت قازاقستان رەسپۋبليكاسى قورعانىس مينيسترلىگىنىڭ راديوەلەكترونيكا جانە بايلانىس اسكەري- ينجەنەرلىك ينستيتۋتىندا جاڭا ماماندىققا قابىلداۋ جۇرگىزىلىپ جاتىر. ماماندىعى: «اسكەري ىستەگى جۋرناليستيكا جانە قوعاممەن بايلانىس»، - دەلىنگەن حابارلامادا.

ءمالىم بولعانداي، قۇجاتتاردى تاپسىرۋ مەرزىمى 2024 -جىلدىڭ 10-تامىزىنا دەيىن جالعاسادى.

قاجەتتى قۇجاتتار:

اتتەستات / ديپلوم + قوسىمشا (ءتۇپنۇسقا جانە كوشىرمە)

جەكە كۋالىك (ءتۇپنۇسقا جانە كوشىرمە)

ۇ ب ت سەرتيفيكاتى

جەڭىلدىكتەر مەن كۆوتالاردى راستايتىن سەرتيفيكاتتار (ءتۇپنۇسقا جانە كوشىرمە)

فوتو 3×4 - 6 دانا.

063/ۋ نىسانىنداعى مەديتسينالىق انىقتاما (كوشىرمەسى)

075/ۋ نىسانىنداعى مەديتسينالىق انىقتاما

شىعارماشىلىق ەمتيحانعا مىنالار كىرەدى:

موتيۆاتسيالىق جانە پروبلەمالىق ەسسە جازۋ،

سۇحبات جۇرگىزۋ

ارنايى پاندەر بويىنشا وقۋ پروتسەسى ءال-فارابي اتىنداعى قازۇۋ بازاسىندا وتەدى.

«بىرەگەي باعدارلامانىڭ ءبىر بولىگى بولۋ جانە اسكەري سالاداعى جۋرناليستيكا مەن قوعاممەن بايلانىس باعىتىنداعى مانسابىڭىزدى دامىتۋ مۇمكىندىگىن جىبەرىپ الماڭىز! قۇجاتتاردى تاپسىرىڭىز جانە جاڭا باستامالارعا دايىن ەكەنىڭىزدى كورسەتىڭىز»، - دەپ حابارلادى ينستيتۋتتان.

قوسىمشا اقپارات پەن كەڭەس الۋ ءۇشىن راديوەلەكترونيكا جانە بايلانىس اسكەري ينجەنەرلىك ينستيتۋتىنىڭ قابىلداۋ كوميسسياسىنا حابارلاسىڭىز.

قابىلداۋ كوميسسياسىنىڭ بايلانىس ءنومىرى: 87273036873

اۆتور

باقىتگۇل اباي قىزى