استانا. KAZINFORM - قازاقستان قارۋلى كۇشتەرى ارنايى وپەراتسيالار كۇشتەرىنىڭ تاۋ دايىندىعى ورتالىعىنىڭ الپينيستەر توبى سولتۇستىك امەريكانىڭ ەڭ بيىك شىڭى - دەناليدى باعىندىردى.
6190 مەتر بيىكتىكتە اسكەري قىزمەتشىلەر سالتاناتتى تۇردە قازاقستان رەسپۋبليكاسىنىڭ مەملەكەتتىك تۋىن جانە ارنايى وپەراتسيالار كۇشتەرىنىڭ تۋىن كوتەردى.
Photo credit: The Ministry of Defense of the Republic of Kazakhstan ءساتتى اياقتالعان ەكسپەديتسيا قازاقستاندىق اسكەري قىزمەتشىلەردىڭ جوعارى كاسىبي دايارلىعىن، توزىمدىلىگى مەن رۋح كۇشىن ايقىن كورسەتتى. سولتۇستىك امەريكانىڭ ەڭ بيىك شىڭىن باعىندىرۋ ولاردىڭ تاماشا دەنە جانە پسيحولوگيالىق دايىندىعىمەن قاتار، ولاردىڭ وتانسۇيگىشتىك، ەرلىك، تاباندىلىق قاسيەتتەرىن تاعى ءبىر پاش ەتتى.
Photo credit: The Ministry of Defense of the Republic of Kazakhstan ەسكە سالا كەتەيىك، اڭىزعا اينالعان دەنالي شىڭى الياسكانىڭ ورتالىق بولىگىنىڭ وڭتۇستىگىندە ورنالاسقان جانە جەرگىلىكتى ۇلتتىق پارك پەن قورىقتىڭ قۇرامىنا كىرەدى. دەنالي ءسوزى ۇندىستەردىڭ اتاباسكا تىلىنەن اۋدارعاندا «ۇلى» دەگەن ماعىنانى بىلدىرەدى.
Photo credit: The Ministry of Defense of the Republic of Kazakhstan ايتا كەتەلىك بۋرابايدا كوكشەتاۋ تاۋىنا بارۋعا ۋاقىتشا شەكتەۋ ەنگىزىلگەن ەدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.