تاشكەنت. KAZINFORM - وزبەكستان پرەزيدەنتى شاۆكات ميرزيەيەۆ قارۋلى كۇشتەر مەن قۇقىق قورعاۋ ورگاندارى قىزمەتكەرلەرىنىڭ جاۋىنگەرلىك ازىرلىگى مەن تيىمدىلىگىن ارتتىرۋعا باعىتتالعان زاڭعا قول قويدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
قۇجاتقا ساي، اسكەري قىزمەتشىلەرگە جانە قۇقىق قورعاۋ ورگاندارىنىڭ ماماندارىنا كاسىپكەرلىكپەن اينالىسۋعا، الدەكىمنىڭ مۇددەسىنە قىزمەت ەتىپ، ول ءۇشىن سىياقى نەمەسە سىيلىق الۋىنا تىيىم سالىنادى.
سونىمەن قاتار، ولاردىڭ قۇمار ويىن ويناۋىنا، شەتەل ازاماتتىعىن جانە ۋاقىتشا تۇرۋ ىقتيارحاتىن الۋ ءۇشىن ءوتىنىش بەرۋىنە شەكتەۋ قويىلادى.
اتالعان زاڭ 2025-جىلدىڭ قاڭتارىنان باستاپ كۇشىنە ەنەدى.
ەسكە سالايىق، بيىل 16-قىركۇيەكتە پرەزيدەنت قاسىم-جومارت توقايەۆ اسكەري قىزمەتشىلەردىڭ مىندەتتەرى مەن ولاردىڭ باعىنۋى ءتيىس تارتىپتەرىنە وزگەرىس ەنگىزدى. وعان سايكەس، قازاقستاندىق اسكەريلەردىڭ قۇمار ويىن ويناۋىنا تىيىم سالىندى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.