اسكەري قىزمەتشىلەر ۇيلەرىن سيفرلى تۇردە جەكەشەلەندىرە الادى - مينيسترلىك

استانا. قازاقپارات – 19-قىركۇيەكتە اسكەري قىزمەتشىلەرگە ارنالعان تۇرعىن ءۇيدى سيفرلى جەكەشەلەندىرۋ جوباسى باستالدى. قازىر ءوتىنىش بەرۋدەن باستاپ جىلجىمايتىن مۇلىككە قۇقىقتى تىركەۋگە دەيىنگى پروتسەسس 2 جىلعا دەيىن ۋاقىت الۋى مۇمكىن.

ال ەلەكتروندى قىزمەت ەنگىزىلگەن سوڭ پروتسەسس 2 ايعا دەيىن قىسقارادى.

قارجى مينيسترلىگى باسپا ءسوز قىزمەتىنىڭ مالىمەتى بويىنشا جەكەشەلەندىرۋدىڭ بارلىق پروتسەسى سيفرلى فورماتتا جۇرەدى. سوعان سايكەس قارۋلى كۇشتەر وكىلدەرىنە قۇجات جيناپ، ءتۇرلى ۆەدومستۆولاردىڭ تابالدىرىعىن اتتاۋدىڭ قاجەتى بولمايدى. ءوتىنىش بەرۋشىنىڭ مەملەكەتتىك ورگاندارمەن ءوزارا ءىس-قيمىلى مەملەكەتتىك دەرەكتەر بازاسىن ينتەگراتسيالاۋ ارقىلى سيفرلى پلاتفورمادا جۇزەگە اسىرىلادى. قازىر بۇل قىزمەتتى ح ق ك و- دا تۇرعىن ءۇيدى جەكەشەلەندىرۋ تۋرالى كەلىسىمشارتتاردى مەملەكەتتىك تىركەۋدى جۇزەگە اسىرۋعا مۇمكىندىك بەرەتىن جۇيەمەن ينتەگراتسيالاۋ اياقتالۋعا جاقىن.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ دەرەكتەر بازاسىمەن ينتەگراتسيا پروتسەسىن اياقتاپ جاتىرمىز. وسى ارقىلى ەلەكتروندى كەلىسىمشارتتار مەملەكەتتىك دەرەكتەر بازاسىندا اۆتوماتتى تۇردە تىركەلەدى نەمەسە حقكو- دا قول قويىلعان جانە مورلەرى بار قاعاز نۇسقالارمەن قاتار قابىلدانادى. بۇل - بيۋروكراتيانى ازايتۋ جانە سيفرلاندىرۋدى ىلگەرىلەتۋ باعىتىنداعى ماڭىزدى قادام»، - دەدى قارجى ۆيتسە-ءمينيسترى اسەت تۇرىسوۆ.

قورعانىس مينيسترلىگىنىڭ مالىمەتىنە سۇيەنسەك، بۇگىندە جەكەشەلەندىرۋ كەزەگىندە 3,5 مىڭ ادام تۇر. ولار – ق ر ق ك- دە اسكەري قىزمەتتە جانە ەڭبەك قاتىناستارىندا تۇرعان ازاماتتار. جەكەشەلەندىرۋ قۇقىعىن قىزمەتتىك ءۇيدى 10 جىلدان ارتىق جالعا الىپ تۇرعاندار عانا پايدالانا الادى. بۇل رەتتە ءوتىنىش بەرۋشى جىلجىمايتىن مۇلىكتىڭ قالدىق قۇنىن تولەۋگە ءتيىس ەكەنىن اتاپ وتكەن ءجون. ال قىزمەتتىك باسپانادا 20 جىلدان كوپ (جالعا العاندار) تۇرعاندار وتەۋسىز نەگىزدە جەكەشەلەندىرۋگە قۇقىلى، ياعني ولار مەملەكەتتەن پاتەردى تەگىن الۋ مۇمكىندىگىنە يە.

الداعى ۋاقىتتا اسكەريلەردەن بولەك مۇنداي قىزمەت ازاماتتاردىڭ باسقا ساناتتارى ءۇشىن دە اشىلماق.

ايتا كەتسەك، 9-قىركۇيەكتە e-Qazyna.kz پلاتفورماسىندا ازىرلەۋشىلەر جەكەشەلەندىرۋ قۇرالى رەتىندە پايدالانۋعا ۇسىنىلعان ASKERGE SHANYRAQ جاڭا سيفرلى سەرۆيسىن تانىستىردى (Askerge-shanyraq.e-Qazyna.kz). بۇل سەرۆيستى ق ر ق م «اقپاراتتىق-ەسەپتەۋ ورتالىعى» ا ق ازىرلەپ شىعارعان.

ەسكە سالساق، سەناتور اندرەي لۋكين پرەمەر-ءمينيستردىڭ اتىنا ءتيىستى دەپۋتاتتىق ساۋال جولداپ، اسكەري قىزمەتشىلەرگە ارنالعان جەڭىلدىكتەردى قايتارۋدى ۇسىنعان بولاتىن.