ماسكەۋدىڭ تاگان اۋداندىق سوتى Google كومپانياسىنا تىيىم سالىنعان كونتەنتتى وشىرمەگەنى ءۇشىن تاعى 15 ميلليون رۋبل ايىپپۇل سالدى.
- 2026 -جىلعى 5 مامىرداعى ماسكەۋ قالاسىنىڭ تاگان اۋداندىق سوتىنىڭ قاۋلىلارىنا سايكەس Google LLC رەسەي فەدەراتسياسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 13.41-بابى 2-بولىگى بويىنشا (زاڭناماعا سايكەس قولجەتىمدىلىگى شەكتەلۋى ءتيىس اقپارات پەن اقپاراتتىق رەسۋرستارعا قول جەتكىزۋدى شەكتەۋ ءتارتىبىن بۇزۋ) 4 اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى. ءاربىر قۇقىق بۇزۋشىلىق بويىنشا سوت اكىمشىلىك ايىپپۇل تۇرىندە جازا تاعايىندادى، ولاردىڭ جالپى سوماسى 15,2 ميلليون رۋبلدى قۇرادى، - دەپ حابارلادى ت ا س س اگەنتتىگىنە سوت وتىرىسىنا قاتىسۋشى.
وسى جىلدىڭ ناۋرىز ايىنىڭ سوڭىندا Google وسىعان ۇقساس باپ بويىنشا تاعى 3,8 ميلليون رۋبل ايىپپۇل تولەۋگە مىندەتتەلگەن بولاتىن. ال ءساۋىر ايىندا سوت كومپانياعا ءدال وسىنداي قۇقىق بۇزۋشىلىق ءۇشىن 19 ميلليون رۋبل ايىپپۇل سالعان.
سوڭعى جىلدارى Telegram, Facebook, Twitter جانە TikTok سياقتى ءىرى ينتەرنەت- سەرۆيستەر دە رەسەيدە تىيىم سالىنعان كونتەنتتى جويماعانى ءۇشىن بىرنەشە رەت جاۋاپكەرشىلىككە تارتىلعان.
ەسكە سالا كەتەيىك، بۇعان دەيىن ە و Google-دىڭ ۇستەمدىگىن شەكتەۋ ءۇشىن ىزدەۋ جۇيەسىندەگى دەرەكتەردى ءبولىسۋدى تالاپ ەتەتىنىن جازدىق.