ماسكەۋدە 27- 29-قازان ارالىعىندا موبيلدى ينتەرنەت جۇمىسىنا شەكتەۋ قويىلۋى مۇمكىن. بۇعان گاز ەكسپورتتاۋشى ەلدەر فورۋمىنا (فسەگ) قاتىسۋشى مەملەكەتتەر باسشىلارىنىڭ سامميتى جانە «رەسەي - افريكا» سامميتىنىڭ ءوتۋى سەبەپ بولماق. بۇل تۋرالى رەسەيدىڭ سيفرلىق دامۋ مينيسترلىگى حابارلادى.
— شەكتەۋلەر ماسكەۋدەگى ءۇشىنشى كولىك اينالما جولىنىڭ اۋماعىندا ەنگىزىلۋى مۇمكىن. اتاپ ايتقاندا، 27 جانە 28-قازاندا ماسكەۋ ۋاقىتىمەن ساعات 11:30-دان، ال 29 -قازاندا ساعات 9:30-دان باستاپ موبيلدى ينتەرنەت جۇمىسى شەكتەلۋى ىقتيمال، — دەلىنگەن حابارلامادا.
مينيسترلىكتىڭ مالىمەتىنشە، «اق تىزىمگە» ەنگەن ەڭ قاجەتتى ءارى الەۋمەتتىك ماڭىزى بار سەرۆيستەر مەن سايتتار، سونداي-اق داۋىستىق بايلانىس، ۇيدەگى ينتەرنەت جانە Wi-Fi قالىپتى جۇمىسىن جالعاستىرادى.