مانەرلەپ سىرعاناۋ: ASIAN OPEN دوداسى بەيجىڭ وليمپياداسىنا باقىلاۋ جارىسى بولىپ بەكىتىلدى
08:58, 02 - اقپان 2021
نۇر-سۇلتان. قازاقپارات - حالىقارالىق كونكيمەن جۇگىرۋ وداعى (ISU) بەيجىڭدەگى 2022-جىلعى وليمپياداعا دەيىن سىناق جارىستارى مارتەبەسىن العان تۋرنيرلەردىڭ تىزىمىن جاريالادى، دەپ حابارلايدى Olympic.kz.
ەۋرو 2020/21 ماۋسىمىنا جوسپارلانعان سىناق تۋرنيرلەرى كوروناۆيرۋس پاندەمياسىنا بايلانىستى توقتاتىلعان بولاتىن.
مانەرلەپ سىرعاناۋدان 13-17- قازان ارالىعىندا وتەتىن Asian Open ءتۋرنيرى سىناق جارىسى مارتەبەسىنە يە بولدى.
8-10- قازاندا بەيجىڭدە كونكيمەن سىرعاناۋدان حالىقارالىق تۋرنير وتەدى، ال 21-24- قازاندا الەم كۋبوگى كەزەڭى اياسىندا شورت-ترەكتەن تەستىلىك جارىستار جوسپارلانعان.
ايتا كەتەرلىگى، بەيجىڭ وليمپياداسى 2022-جىلدىڭ 4-20- اقپان ارالىعىندا وتەدى.