پرەزيدەنت قاسىم-جومارت توقايەۆ سانيتارلىق-ەپيدەميولوگيالىق احۋال جونىندەگى جۇمىس كەڭەسىندە وسىنداي پرولەما كوتەردى. بۇل تۋرالى قازاقپارات ءتىلشىسى، دەپ حابارلايدى اقوردانىڭ Twitter- دەگى پاراقشاسىنا سىلتەمە جاساپ حابارلايدى.
«Ashyq قوسىمشاسىنىڭ قامتۋ اياسىن كەڭەيتۋ، ونىڭ فۋنكتسيونالىن جەتىلدىرۋ جانە جۇمىسىن كۇندەلىكتى مونيتورينگتەۋ تۋرالى ۇمىتۋعا بولمايدى. بۇل جۇيەنىڭ وپەراتورى «اتامەكەن» ۇلتتىق كاسىپكەرلەر پالاتاسى بولعانىنا قاراماستان، كاسىپكەرلىك نىسانداردى Ashyq-تى پايدالانۋشىلار تىزىمىنە قوسۋ وتە ۇزاق بيۋروكراتيالىق پروتسەسس ەكەنى تۋرالى اقپاراتتار بار»، - دەدى پرەزيدەنت.
وسىعان بايلانىستى مەملەكەت باسشىسى ۇكىمەتكە Ashyq جۇيەسىندەگى وبەكتىلەردىڭ تىزىمىنە قوسۋ تالاپتارىن وڭايلاتۋ جاعىنا قاراي قايتا قاراۋ قاجەتتىگىن ايتتى.
«مەملەكەت Ashyq جانە وزگە دە سيفرلىق قۇرالداردى پايدالاناتىن بيزنەس نىساندارىن قولداۋعا ءتيىس. ەكىنشى جاعىنان، مۇنداي مونيتورينگ شارالارىن ەلەمەيتىن كاسىپكەرلەردى قاتاڭ جازالاۋ كەرەك. بۇل ماسەلە اكىمدەردىڭ ەرەكشە باقىلاۋىندا بولۋى كەرەك»، - دەدى قاسىم-جومارت توقايەۆ.