«Ashyq»: ەڭ از QR- كود تىركەگەن كاسىپكەر جوبادان شەتتەتىلەدى
بۇل تۋرالى قازاقستاننىڭ باس سانيتار دارىگەرىنىڭ بۇگىنگى قاۋلىسىندا ايتىلعان، دەپ حابارلايدى قازاقپارات.
جوسىقسىز قاتىسۋشىلاردى «Ashyq» جوباسىنان شىعارۋ الگوريتمى:
1. «Ashyq» جوباسىنا قاتىسۋشىلاردى جەرگىلىكتى اتقارۋشى ورگاندار (اكىمدىكتەر) مىناداي نەگىزدەر بويىنشا:
1) مونيتورينگىلىك توپتىڭ وبەكتىدە جوباعا قاتىسۋعا قويىلاتىن تالاپتاردىڭ بۇزىلۋىن راستايتىن فاكتىلەردى انىقتاۋى؛
2) قازاقستان رەسپۋبليكاسىنىڭ اۋماعىندا كوروناۆيرۋس ينفەكسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) شەشىمىنىڭ نەگىزىندە جوبادان شىعارادى؛
3) 2 اپتالىق مالىمەتتى جۇكتەپ الۋ ناتيجەلەرى بويىنشا وبەكتى ۆ ا ك بەلگىلەگەن QR- كود (check-in) بويىنشا كەلۋشىلەردى تىركەۋدىڭ ەڭ از سانىن جۇرگىزبەۋىنىڭ انىقتالۋى.
2. QR- كود (check-in) بويىنشا كەلۋشىلەرى ەڭ از سانمەن تىركەلگەن «Ashyq» جوباسىنا قاتىسۋشىلارعا قاتىستى اكىمدىكتەر:
1) الدىن الا ەسكەرتۋ بەرەدى؛
2) مونيتورينگىلىك توپ انىقتاعان، قولدانىستاعى جۇمىس الگوريتمى قايتا بۇزىلعان كەزدە قاتىسۋشى 2 اپتاعا جوبادان شىعارىلادى.
3. جۇمىس الگوريتمىن 3 رەت بۇزعان قاتىسۋشى (مونيتورينگىلىك توپتىڭ ناتيجەلەرى بويىنشا) 2 ايدان ەرتە جوباعا قايتا ورالا المايدى.
بۇعان دەيىن حابارلاعانىمىزداي، بۇگىن قازاقستاننىڭ باس سانيتارلىق دارىگەرىنىڭ جاڭا قاۋلىسى شىقتى. قۇجاتتا «Ashyq» جۇيەسىمەن جۇمىس ىستەيتىن كاسىپكەرلىك نىسانداردىڭ ساناتى 23 كە جەتكىزىلگەنى ايتىلعان. سونداي- اق قاۋلىدا سانتيارلىق تالاپتى ساقتاعان كاسىپكەرلىك نىساندارىنا «Ashyq» كوشباسشىسى» مارتەبەسى بەرىلەتىنى جازىلعان. بۇل مارتەبە كىمدەرگە بەرىلەتىنى جانە ونى قالاي الۋعا بولاتىنى قۇجاتتا قامتىلعان.