اكىمشىلىك جاۋاپكەرشىلىك ءوزىن- ءوزى وقشاۋلاۋ رەجيمىن قاساقانا بۇزاتىندارعا باعىتتالعان.
«سانيتارلىق- ەپيدەميولوگيالىق باقىلاۋ كوميتەتى ق ر دەنساۋلىق ساقتاۋ مينيسترلىگى كوروناۆيرۋس ينفەكتسياسىنا شالدىققان ناۋقاستار مەن ولارمەن بايلانىستا بولعان ادامدار ءۇشىن وقشاۋلانۋدىڭ مىندەتتى رەجيمىن كوزدەيتىن سانيتارلىق ەرەجەلەردى بەكىتكەنىن حابارلايدى. بۇل تالاپتاردى ورىنداماعاندار ءۇشىن اكىمشىلىك جازا كوزدەلگەن. ەرەجە 2021 -جىلعى 10-ماۋسىمدا كۇشىنە ەنەدى»، - دەپ جازادى سانيتارلىق- ەپيدەميولوگيالىق باقىلاۋ كوميتەتىنىڭ باسپا ءسوز قىزمەتى.
ءوزىن- ءوزى وقشاۋلاۋ رەجيمىن بۇزۋشىلار Ashyq اقپاراتتىق پلاتفورماسى ارقىلى انىقتالادى. Ashyq جوباسىنا قاتىساتىن قوعامدىق نىساندارعا بارعان كەزدە «قىزىل» مارتەبەسى بار بولىپ شىققان ادامدار وقشاۋلانۋ ەرەجەسىن بۇزعان بولىپ سانالادى.
«كارانتيندەگى ناۋقاس ادامنىڭ سانيتارلىق- ەپيدەميولوگيالىق تالاپتاردى ساقتاماۋى اكىمشىلىك قۇقىق بۇزۋشىلىق تۋرالى كودەكستىڭ 802-بابى بويىنشا اكىمشىلىك قۇقىق بۇزۋشىلىق تۋرالى ءىس قوزعاۋعا جانە وعان اكىمشىلىك جازالاۋ شارالارىن قولدانۋعا سەبەپ بولادى. ەگەر ازامات ءوزىنىڭ مارتەبەسى تۋرالى بىلە تۇرا، وقشاۋلانۋ رەجيمىن بۇزسا جانە اينالاسىنداعىلارعا قاساقانا جۇقتىرۋ قاۋپىن تۋدىرسا، وعان 30 ا ە ك نەمەسە 87510 تەڭگە مولشەرىندە اكىمشىلىك ايىپپۇل سالىنادى»، - دەپ ءتۇسىندىردى كوميتەت ماماندارى.