اسحات نيازوۆتىڭ ارەكەتىنە قۇقىقتىق باعا بەرىلەدى – ق م ا

استانا. KAZINFORM - قازاقستاندىق جۋرناليست ءارى بلوگەر اسحات نيازوۆ Dala كومپانياسىنان قانشا قاراجات العانى بەلگىلى بولدى. بۇل تۋرالى Bizdin Orta پودكاستىندا ق ر قارجىلىق مونيتورينگ اگەنتتىگى تەرگەۋ دەپارتامەنتى باسشىسىنىڭ ورىنباسارى كەڭەسارى باعبان ۇلى مالىمدەدى.

بۇعان دەيىن 2025-جىلعى 30-مامىردا «Dala» كومپانيالار توبىنىڭ قۇرىلتايشىسى د. جۇماعۇلوۆقا قاتىستى تەرگەۋ باستالعانى حابارلانعان بولاتىن.

تەرگەۋ بارىسىندا ونىڭ «Dala SK Stroy Invest» كومپانياسى 2023-جىلدىڭ مامىرىنان 2025-جىلدىڭ ناۋرىزىنا دەيىن جەرگىلىكتى اتقارۋشى ورگاننىڭ رۇقساتىنسىز 62 ۇلەسكەردەن 1 ميلليارد تەڭگەدەن استام قاراجات جيناعانى انىقتالدى. كومپانيانى قازاقستاندىق جۋرناليست ءارى بلوگەر اسحات نيازوۆ بەلسەندى جارنامالاعان.

- اسحات نيازوۆ جارنامانى تەگىن ورنالاستىرماعان. جوبانى ناسيحاتتاعانى ءۇشىن 6 ميلليون تەڭگە العانى انىقتالدى. بۇل ەكى تاراپ اراسىنداعى اقىلى مامىلە بولعان. تاعى ءبىر مارتە اتاپ وتەمىن: ونىڭ ارەكەتىنە قولدانىستاعى زاڭناما اياسىندا ءتيىستى قۇقىقتىق باعا بەرىلەدى، - دەدى ك. باقبان ۇلى.

ءوز كەزەگىندە اسحات نيازوۆ Jibek Joly تەلەارناسىنىڭ ەفيرىندە ەندى ەشقاشان قۇرىلىس كومپانيالارىمەن بايلانىسپايتىنىن ايتتى.