اسپانداعى ايدى سۇراعان جوقپىن: ماھرگە 20 مىڭ دوللار سۇراعان قالىڭدىق يمامدى تاڭ قالدىردى

استانا. قازاقپارات - الەۋمەتتىك جەلىدە قالىڭدىقتىڭ مەشىتتە جولداسىنان ءماھر سۇراپ جاتقان ۆيدەوسى پايدا بولدى، دەپ حابارلايدى Skifnews.kz اقپارات پورتالى Azattyq-ruhy.kz سايتىنا سىلتەمە جاساپ.

يمامنىڭ «ءماھر رەتىندە قانداي نەكە سىيلىعىن سۇرايسىز؟» دەگەن سۇراعىنا قالىڭدىق اكسيا سۇراعان. «20 مىڭ دوللار كولەمىندەگى اكسيا سۇرايمىن»، - دەيدى ول.

يمام «20 مىڭ دوللار، ءماسساعان!» دەيدى تاڭدانىسىن جاسىرا الماي. سودان كەيىن يمام 20 مىڭ دوللاردى تەڭگەگە شاقسا، نەشە تەڭگە بولاتىنىن، كۇيەۋ جىگىتتەن ونى بەرۋگە شاماسى كەلە مە ەكەنىن ناقتىلايدى.

كۇيەۋ جىگىت بۇل سومانى بەرۋگە مۇمكىندىگى بار ەكەنىن ايتادى. 20 مىڭ دوللار تەڭگەگە شاققاندا 9,4 ميلليون تەڭگە بولعان.

جەلى قولدانۋشىلارى ۆيدەونىڭ استىنا ءتۇرلى پىكىر قالدىرعان. كەيبىرەۋى 20 مىڭ دوللار قازىر تۇك ەمەس ەكەنىن جازسا، كەيبىرى قالىڭدىقتىڭ اسىرا سىلتەگەنىن سوككەن.

«20 مىڭ دوللار دەگەنى تۇك ەمەس دەپ ويلايمىن. دوللار دەگەندى ەستىپ، شوشىپ وتىرعان بولار. ول قارجىعا جاقسى كولىك نەمەسە جەر كەلە مە؟ جىگىت نەگە جىلايىن دەپ وتىر؟ كۇيەۋى قينالىپ تۇر ما؟ باقىت اقشادا ەمەس. جىگىتتىڭ ميى قورىتپاي قالعان سياقتى»، - دەپ جازعان ولار.

قالىڭدىق ولارعا جاۋاپ رەتىندە «اسپانداعى ايدى سۇراپ وتىرعان جوقپىن» دەپ جاۋاپ بەرگەن.