بوياۋ جاقىن جەردە تۇرعان كولىككە دە ءتيىپ، ونىڭ يەسى پوليتسياعا جۇگىنگەن.
بەينەباقىلاۋ كامەرالارىنىڭ جازبالارىن زەردەلەۋ بارىسىندا پوليتسيا قىزمەتكەرلەرى جازۋدىڭ 25-قىركۇيەكتە ساعات 02:26 شاماسىندا جازىلعانىن انىقتادى. ايەلدىڭ جەكە باسى انىقتالىپ، ونىڭ 40 جاستاعى قالا تۇرعىنى الما سارباسوۆا ەكەنى بەلگىلى بولدى.
- قۇقىق بۇزۋشىلىق جاساعانى ءۇشىن ول ورتاق پايدالانىلاتىن ورىنداردى قورلاعانى ءۇشىن اكىمشىلىك جاۋاپكەرشىلىككە تارتىلىپ، 50 ا ە ك مولشەرىندە ايىپپۇل سالىندى. ءوز ارەكەتىنىڭ سالدارىن ول ءوز بەتىنشە جويعان، - دەلىنگەن حابارلامادا.
اباي وبلىسى پوليتسيا دەپارتامەنتى اۆتوتۇراق ورىندارىنا بايلانىستى كەلىسپەۋشىلىكتەردى زاڭدى جولمەن شەشۋ قاجەتتىگىن ەسكە سالادى. مۇنداي داۋلار قوعامدىق ءتارتىپتى بۇزۋعا جانە وزگەنىڭ مۇلكىنە زيان كەلتىرۋگە نەگىز بولمايدى.