اسۋ المابايەۆ UFC- دەگى ماڭىزدى جەكپە-جەكتە جەڭىسكە جەتتى

استانا. KAZINFORM - قازاقستاندىق ارالاس جەكپە-جەك شەبەرى اسۋ المابايەۆ (20-2) لاس-ۆەگاستا وتكەن (ا ق ش، نيەۆادا شتاتى) UFC Fight Night 245 تۋرنيرىندە ونەر كورسەتتى، دەپ حابارلايدى Sports.kz.

اسۋ المابايەۆ UFC رەيتىنگىندە ەڭ جەڭىل سالماق بويىنشا 7-ورىندا تۇرعان (اسۋ المابايەۆتىڭ ءوزى 14- ورىندا تۇر) برازيليالىق ماتەۋس نيكولاۋعا (19-4-1) قارسى شىقتى. كەزدەسۋ ءۇش راۋندتقا ەسەپتەلگەن بولاتىن. تورەشىلەردىڭ ءبىراۋىزدان شەشىمىمەن اسۋ جەڭىمپاز دەپ تانىلدى.

وسىلايشا، اسۋ المابايەۆ كاسىبي مانسابىنداعى 21- جەڭىسىنە قول جەتكىزدى، ال ماتەۋس نيكولاۋ جەڭىلىس تاپتى.

ايتا كەتەيىك، بۇل اسۋدىڭ UFC- دەگى ءتورتىنشى كەزدەسۋى. وسىعان بايلانىستى قازىر فايتەردىڭ رەكوردى 4-0 بولىپ وتىر. ال قازاقستاندىق سپورتشىنىڭ قارسىلاسى ونىنشى كەزدەسۋىن وتكىزىپ، رەكوردى 6-4 بولدى.

وسىعان دەيىن قازاقستاندىق ارالاس جەكپە- جەك شەبەرى اسۋ المابايەۆتىڭ (20-2-0) كەزەكتى جەكپە-جەگىنىڭ الدىندا سالماق ولشەگەنى تۋرالى جازعان ەدىك.