ىشكى ىستەر مينيسترلىگىنىڭ مالىمەتىنشە، الاياقتار ينتەرنەت-پلاتفورمالاردا، الەۋمەتتىك جەلىلەر مەن مەسسەندجەرلەردە قىسقى دوڭگەلەكتەردى نارىقتاعى باعادان ارزانعا ۇسىناتىن حابارلاندىرۋلار جاريالايدى.
وزدەرىن ساتۋشى رەتىندە تانىستىرعان قاسكويلەر تاۋاردى برونداۋ ءۇشىن الدىن الا تولەم جاساۋدى نەمەسە تولىق قۇنىن اۋدارۋدى تالاپ ەتەدى. ولار سۇرانىستىڭ جوعارى ەكەنىن، دوڭگەلەكتەر سانى شەكتەۋلى ەكەنىن ايتىپ، ساتىپ الۋشىنى اسىقتىرادى.
اقشانى العاننان كەيىن بايلانىسقا شىقپاي، ساتىپ الۋشىنى بۇعاتتاپ، حابارلاندىرۋدى ءوشىرىپ تاستايدى. سالدارىنان ازاماتتار اقشاسىنان دا، تاۋاردان دا ايىرىلادى.
- ەسىڭىزدە بولسىن: تومەن باعا مەن تەز الدىن الا تولەم جاساۋدى تالاپ ەتۋ ينتەرنەت-الاياقتىقتىڭ بەلگىلەرى بولۋى مۇمكىن. ەگەر الاياقتىق ارەكەتكە تاپ بولساڭىز، دەرەۋ پوليتسياعا 102 ءنومىرى ارقىلى حابارلاسىڭىز، - دەپ ەسكەرتتى ءى ءى م وكىلدەرى.
مينيسترلىك ازاماتتارعا بەيتانىس ساتۋشىلارعا تاۋاردى الماي تۇرىپ اقشا اۋدارماۋعا، تىم ارزان ۇسىنىستارعا سەنبەۋگە كەڭەس بەرەدى.
سونداي-اق قىسقى دوڭگەلەكتەردى رەسمي دۇكەندەر مەن سەنىمدى ساۋدا ورىندارىنان ساتىپ الىپ، تولەم جاساماس بۇرىن ولاردىڭ بار-جوعىن جانە جاي-كۇيىن جەكە تەكسەرگەن ءجون.
پوليتسيا كۇماندى سىلتەمەلەرگە وتپەۋدى، بانك كارتاسىنىڭ دەرەكتەرى مەن SMS- كودتاردى بوگدە ادامدارعا بەرمەۋدى ەسكەرتتى.
ايتا كەتەيىك، بۇعان دەيىن پوليتسيا ينتەرنەتتە تاۋارلاردى ارزان باعامەن ۇسىنىپ، الدىن الا تولەم العاننان كەيىن بايلانىسقا شىقپاي قوياتىن الاياقتار تۋرالى ەسكەرتكەن بولاتىن.