جەرگىلىكتى تۇرعىنداردىڭ ايتۋىنشا، ارىستاعى اسكەري بولىمنەن قاتتى جارىلىس داۋسى ەستىلگەن. سونىمەن قاتار ول اۋماقتا ءورت بولعانىن كورسەتەتىن كادرلار جاريالاندى.
وقيعاعا قاتىستى شىمكەنت گارنيزونىنىڭ باسپا ءسوز قىزمەتى تۇسىنىكتەمە بەردى.
- 2026-جىلعى 19-تامىزدا ساعات 19:00 شاماسىندا ارىس گارنيزونىنداعى اسكەري بولىمدەردىڭ ءبىرىنىڭ تەحنيكالىق اۋماعىندا قۇرعاق ءشوپ تۇتاندى. ءورت كەزىندە جويۋعا الدىن الا دايىندالعان وق-ءدارى فراگمەنتىنىڭ ءدۇمپۋ داۋىسى ەستىلگەن. زارداپ شەككەندەر مەن قيراعان نىساندار جوق. جاعداي باقىلاۋدا. ءورت تولىقتاي ءوشىرىلدى، وقيعا ورنىندا ءتيىستى قىزمەتتەر جۇمىس ىستەپ جاتىر، - دەلىنگەن رەسمي حابارلامادا.
ۆەدومستۆو ازاماتتاردى الەۋمەتتىك جەلىلەردە تاراعان راستالماعان اقپاراتقا سەنبەۋگە جانە تەك رەسمي دەرەككوزدەرگە سۇيەنۋگە شاقىردى.
بۇعان دەيىن ارىس قالاسىنداعى وق-ءدارى قويماسىنىڭ جارىلىسى قازاقستان تاريحىنداعى ءىرى تەحنوگەندىك اپاتتاردىڭ بىرىنە اينالعانى تۋرالى جازعان ەدىك.
22:41, 19 تامىز 2026
ارىستا تاعى جارىلىس بولدى ما
تۇركىستان. KAZINFORM - تۇركىستان وبلىسىنىڭ ارىس قالاسىندا جارىلىس بولعانى تۋرالى اقپارات الەۋمەتتىك جەلىلەردە تاراپ جاتىر.