افريكا اۋرۋلاردى باقىلاۋ جانە الدىن الۋ ورتالىعىنىڭ (Africa CDC) مالىمدەمەسىنە سايكەس، افريكا ەلدەرىنىڭ دەنساۋلىق ساقتاۋ مينيسترلەرى 28-قازان كۇنى ەبولا ىندەتىنە قاتىستى سوڭعى جاڭالىقتاردى باعالاۋ جانە بىرلەسكەن قارسى شارالاردى تالقىلاۋ ءۇشىن جوعارى دەڭگەيدەگى ونلاين كەزدەسۋ وتكىزدى.
كەزدەسۋگە قاتىسۋشىلار اۋرۋدىڭ ودان ءارى تارالۋىن بولدىرماۋ ءۇشىن شەكارالاردى اشىق ۇستاۋ جانە شەكاراارالىق دەنساۋلىق ساقتاۋدى ۇيلەستىرۋدى كۇشەيتۋگە كەلىستى.
Africa CDC باس ديرەكتورى جان كاسەيا ۇيىم ەپيدەميامەن كۇرەسۋ ءۇشىن شەكارالاردى جابۋدى ۇسىنبايتىنىن مالىمدەدى. ول شەكارا جابىلسا ادامدار شەكارادان زاڭسىز ءوتۋ جولدارىن پايدالانۋعا ارەكەتتەنۋى مۇمكىن ەكەنىن ەسكەرتتى.
كاسەيا ۆيرۋستىڭ تارالۋىن بولدىرماۋ ءۇشىن ەلدەر اراسىندا اقپارات الماسۋدى كەڭەيتۋ، ەپيدەميولوگيالىق باقىلاۋدى كۇشەيتۋ جانە بىرلەسكەن جاۋاپ بەرۋ الەۋەتىن ارتتىرۋ قاجەت ەكەنىن اتاپ ءوتتى.
Africa CDC مالىمەتتەرى بويىنشا، كونگو دەموكراتيالىق رەسپۋبليكاسىندا ورشىگەن ەبولا ىندەتى كەنيا مەن نيگەرياعا دا تارالدى. ا ق ش اۋرۋلاردى باقىلاۋ جانە الدىن الۋ ورتالىقتارىنىڭ 26-قازانداعى مالىمەتتەرى بويىنشا، 10172 ادامنىڭ بەزگەكتى جۇقتىرىپ، 4932 ادام قايتىس بولعان.
18-مامىردا Africa CDC ىندەتتى قوعامدىق دەنساۋلىق ساقتاۋ سالاسىنداعى قۇرلىق دەڭگەيىندەگى توتەنشە جاعداي دەپ جاريالاعان.
تامىز ايىندا كونگودا ەبولادان جارتى ساعات سايىن ءبىر ادام كوز جۇمىپ جاتقانى حابارلانعان بولاتىن.