استانا. قازاقپارات - American Express كومپانياسى نيۋ-يوركتەگى دۇنيەجۇزىلىك ساۋدا ورتالىعىنىڭ قيراعان ەگىز مۇنارالارىنىڭ ورنىنا سالىناتىن كوممەرتسيالىق عيمارات 2 World Trade Center ءزاۋلىم عيماراتىنىڭ قۇرىلىسىن رەسمي تۇردە باستادى، دەپ حابارلايدى «24KZ».
بيىكتىگى 374 مەتر بولاتىن 55 قاباتتى عيمارات American Express كومپانياسىنىڭ جاڭا جاھاندىق شتاب-پاتەرىنە اينالادى. نيۋ-يورك مەرى زوران مامدانيدىڭ ايتۋىنشا، جوبا شامامەن 3200 دەن اسا جۇمىس ورنىن اشىپ، قالا ەكونوميكاسىنا 6 ميلليارد دوللار كولەمىندە پايدا اكەلەدى.
وسىلايشا قيراعان ەگىز مۇنارالاردىڭ ورنىندا قايتا سالىنعان كەشەن جاڭا بيزنەس اۋدانىنا اينالماق.
قۇرىلىستى 2031-جىلى اياقتاۋ جوسپارلانىپ وتىر. جوبانىڭ قۇرىلىسىنا Silverstein Properties جاۋاپتى.
كومپانيا 2001-جىلدان بەرى دۇنيەجۇزىلىك ساۋدا ورتالىعىنىڭ قۇرىلىسىنا قاتىستى جوبالاردى تۇراقتى تۇردە جۇرگىزىپ كەلەدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.