استانا. قازاقپارات - پاريجدە وتەتىن جازعى وليمپيادا ويىندارى كەزىندە قاۋىپسىزدىكتى مىڭداعان فرانتسۋز ساربازى قامتاماسىز ەتەدى، - دەپ حابارلايدى Tengritravel.kz ءتىلشىسى Euronews مالىمەتىنە سىلتەمە جاساپ.
ولار جاڭادان سالىنعان «كاپرال الەن ميمۋن» اسكەري لاگەرىندە ورنالاسادى.
«ءبىزدىڭ مىندەتىمىز - وليمپيادالىق جانە پاراليمپيادالىق نىسانداردى قورعاۋ»، - دەپ تۇسىندىرەدى اسكەري قىزمەتشىلەردىڭ ءبىرى.
لاگەر وليمپيادا وتەتىن ورىنداردان 30 مينۋتتان از قاشىقتىقتا ورنالاسقان، سوندىقتان اسكەريلەر كەز كەلگەن ۋاقىتتا پاريجدە جانە ونىڭ ماڭىندا وپەراتسيا جۇرگىزە الادى، دەلىنگەن ماتەريالدا.
مۇندا 4500 گە جۋىق ساربازدى ورنالاستىرۋعا بولادى. ولارعا ارنايى جاتار ورىن سالىنعان، ولاردىڭ ءارقايسىنا 15 ادام تۇرا الادى.
«ءبىز وسىندا تۇراقتايمىز جانە كەلەسى ەكى جارىم اي وسىندا تۇرامىز»، - دەيدى تاعى ءبىر سارباز.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан