پاريجدە «كوشپەندىلەر اۋەندەرى» ءوتتى
استانا. KAZINFORM - پاريج قالاسىندا «قازاقستان كامەراتاسى» كلاسسيكالىق مۋزىكا ءانسامبلى فرانسۋز كورەرمەندەرىنە «كوشپەندىلەر اۋەندەرىن» ۇسىندى، دەپ حابارلايدى El.kz اقپارات اگەنتتىگى.
مادەنيەت جانە اقپارات مينيسترلىگىنىڭ مالىمەتىنشە، كونتسەرت باگاتەل ساياباعىنداعى جىلىجايدا ۇيىمداستىرىلدى. پاريج جۇرتشىلىعى مۋزىكانتتاردىڭ ورىنداۋشىلىق دەڭگەيىن جوعارى باعالادى.
انسامبل قازاقستاندىق جانە تۇركى كومپوزيتورلارىنىڭ شىعارمالارىن ورىندادى. كونسەرت باعدارلاماسىندا اباي قۇنانباي ۇلى، قۇرمانعازى ساعىرباي ۇلى، ۆلاديمير ستريگوتسكي-پاك، الماس سەركەبايەۆ جانە حابيبۋللا سەتەكوۆتىڭ تۋىندىلارى بولدى.
ءىس-شارانى پاريج بوتانيكالىق باعىنىڭ كۋراتورى مەن پاريج مەرياسى ۇيىمداستىردى. سونىمەن قاتار، باگاتەل بوتانيكالىق باعىنىڭ 10 جىلدىق مەرەيتويىنا وراي بوتانيكا جانە فيتوينترودۋكتسيا ينستيتۋتىندا وسىرىلگەن قازاقستان وسىمدىكتەرىنىڭ ۇلگىلەرى سىيعا تارتىلدى.